ବୁଗୁଡା, ୩।୭(ଡି.ଏନ୍.ଏ.): ଗଞ୍ଜାମ ଜିଲାରେ କରୋନା ସଂକ୍ରମଣ ଏବଂ ମୃତ୍ୟୁ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହା ସତ୍ତ୍ୱେ ମଧ୍ୟ କିଛି ଅମାନିଆ ଅଛନ୍ତି ଯେଉଁମାନେ କୋଭିଡ୍ ନିୟମକୁ ମାନୁ ନାହାନ୍ତି। ଏ ନେଇ ଜିଲାପାଳ ବିଜୟ ଅମୃତା କୁଲାଙ୍ଗେ କରୋନା ମହାମାରୀରୁ ଉଦ୍ଧାର ନିମନ୍ତେ ସାମାଜିକ ଦୂରତ୍ୱ ରକ୍ଷା କରିବା, ମାସ୍କ ପିନ୍ଧିବା, ଦୋମାନୀଗୁଡିଗ କୋଭିଡ୍ ନିୟମ ମାନିବା ଏବଂ ଜୁଲାଇ ୩୧ ପର୍ଯ୍ୟନ୍ତ ସହରକୁ ବାଇକରେ ନ ଆସିବା ଆଦି ବିଭିନ୍ନ ନିୟନ ବିଷୟରେ ଲୋକଙ୍କୁ ସଚେତନ କରିବା ସହ ପରାମର୍ଶ ଦେଉଛନ୍ତି। କିନ୍ତୁ କେତେକ ଅମାନିଆ ଏହାକୁ ମାନିବାକୁ ପ୍ରସ୍ତୁତ ନ ଥିବା ବୁଗୁଡାରେ ଦେଖିବାକୁ ମିଳିଛି। ବୁଗୁଡା ସହରର ବିଭିନ୍ନ ବ୍ୟାଙ୍କ ଓ ଦୋକାନରେ କୌଣସି ପ୍ରକାର ନିୟନ ପାଳନ କରାଯାଉ ନାହିଁ। ବ୍ୟବସାୟୀମାନେ ମାସ୍କ ଏବଂ ଗ୍ଲୋବ୍ସ ପିନ୍ଧୁ ନାହାନ୍ତି। ସେହିପରି ସହରରେ ଶହ ଶହ ସଂଖ୍ୟାରେ ଲୋକେ ବାଇକରେ ଚଳପ୍ରଚଳ କରୁଥିବା ଦେଖିବାକୁ ମିଳୁଛି। ଅମାନିଆଙ୍କୁ ଧରପଗଡ କରିବା ପାଇଁ ପ୍ରଶାସନ ପକ୍ଷରୁ ବାରମ୍ବାର ଉଦ୍ୟମ କରାଉଥିଲେ ମଧ୍ୟ କିଛି ସୁଫଳ ମିଳୁନାହିଁ। ତେଣୁ ବୁଗୁଡା ସହରକୁ ଶଟ୍ଡାଉନ ଘୋଷଣା କରିବା ପାଇଁ ବୁଦ୍ଧିଜୀବୀମାନେ ଦାବି କରିଛନ୍ତି ।