କର୍ଲାମୁଣ୍ଡା,୧୦।୫(ଡି.ଏନ୍.ଏ.): ୧୦ ରାଜ୍ୟ ଭିନ୍ନକ୍ଷମ ଆୟୁକ୍ତ ନିଯୁକ୍ତି ମିଳିତ ମଞ୍ଚ ଓଡ଼ିଶା ପକ୍ଷରୁ ରାଜ୍ୟରେ ଜଣେ ଭିନ୍ନକ୍ଷମ ବ୍ୟକ୍ତିଙ୍କୁ ଭିନ୍ନକ୍ଷମ ଆୟୁକ୍ତ ଭାବରେ ନିଯୁକ୍ତି ଦେବା ନେଇ ବିଭିନ୍ନ ସ୍ଥାନରେ ଜନମତ ସଂଗ୍ରହ ଅଭିଯାନ ଆରମ୍ଭ ହୋଇଯାଇଛି। ଏହି ଅବସରରେ କଳାହାଣ୍ଡି ଦିବ୍ୟାଙ୍ଗ ମଞ୍ଚ ସଭାପତି ତଥା ଜିଲା ପରିଷଦ ସଭ୍ୟ ସୁରେଶ ଚୌଧୁରୀଙ୍କ ନେତୃତ୍ୱରେ ମଙ୍ଗଳବାର କର୍ଲାମୁଣ୍ଡା ବ୍ଲକ ସଦର ହସ୍ପିଟାଲ ଛକଠାରେ ଭୋଟ ବାକ୍ସ ଜରିଆରେ ଜନସାଧାରଣଙ୍କ ଜନମତ ସଂଗ୍ରହ କରାଯାଇଥିଲା। ଓଡ଼ିଶାରେ ଭିନ୍ନକ୍ଷମ ବ୍ୟକ୍ତିଙ୍କୁ ଆୟୁକ୍ତ ନିଯୁକ୍ତି ସୁଯୋଗ ମିଳିଲେ ଭିନ୍ନକ୍ଷମ ଭଉଣୀ ଭାଇମାନଙ୍କ ସମସ୍ୟାକୁ ଠିକ୍ ଭାବେ ସମାଧାନ କରାଯାଇପାରିବ ବୋଲି ସୁରେଶ ଚୌଧୁରୀ ପ୍ରକାଶ କରିଛନ୍ତି। ଏଥିରେ ଅନ୍ୟମାନଙ୍କ ମଧ୍ୟରେ ବୁଦ୍ଧଦେବ ସାହୁ, ମଗସିର ସାହୁ, ଲକ୍ଷଣ ସାହୁ, ବଣ୍ଟି ସାହୁ, ଦାମୋଦର ସାହୁ ପ୍ରମୁଖ ଉପସ୍ଥିତ ଥିଲେ।