ପୁରୁଷୋତ୍ତମପୁର,୨୭।୨(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଓକିଲ ସଂଘର ବୈଠକ ଶନିବାର ସଭାପତି କେଦାରନାଥ ପଟ୍ଟନାୟକଙ୍କ ପୌରହିତ୍ୟରେ ଅନୁଷ୍ଠିତ ହୋଇଯାଇଛି। ଏଥିରେ ସଂପାଦକ ପ୍ରକାଶ ଚନ୍ଦ୍ର ତ୍ରିପାଠୀ ବିବରଣୀ ପାଠ କରି ଓକିଲ ସଂଘର ବିକାଶ ନେଇ ବିଭିନ୍ନ ପ୍ରସ୍ତାବ ଦେଇଥିଲେ। ରାଜ୍ୟ ବାର୍ କାଉନସିଲର ନିର୍ଦ୍ଦେଶ ଅନୁଯାୟୀ, ମାର୍ଚ୍ଚ ୨୭ ରେ ହେବାକୁ ଥିବା ନିର୍ବାଚନ ଲାଗି ରବିନ୍ଦ୍ର ବେହେରାଙ୍କୁ ନିର୍ବାଚନ ଅଧିକାରୀ ଭାବେ ମନୋନୀତ କରାଯାଇଛି। ଏହାସହ ଏଠାରେ ସବ୍ଜଜ୍ କୋର୍ଟ ପ୍ରତିଷ୍ଠା ଲାଗି ଦୀର୍ଘବର୍ଷ ହେଲା ସଂଘ ପକ୍ଷରୁ ଦାବି ହୋଇ ଆସୁଥିବା ସହ ଏପରିକି ୨୦୧୮ରେ ଦୀର୍ଘ ୯ମାସ ଧରି କୋର୍ଟ ବର୍ଜନ କରି ଓକିଲମାନେ ଆନ୍ଦୋଳନ କରିଥିଲେ। ଏହାକୁ ନେଇ ହାଇକୋର୍ଟ ଓ ରାଜ୍ୟ ସରକାରଙ୍କ ପକ୍ଷରୁ ସେତେବେଳେ ନୂତନ କୋର୍ଟ ଖୋଲିବା ଲାଗି ଅନୁମୋଦନ କରିଥିଲେ। ମାତ୍ର ବର୍ଷକରୁ ଅଧିକ ବିତିଥିଲେ ମଧ୍ୟ ସରକାର କୋର୍ଟ ପ୍ରତିଷ୍ଠା କର ୁନ ଥିବାକୁ ନେଇ ଓକିଲମାନେ ତୀବ୍ର ଅସନ୍ତୋଷ ପ୍ରକାଶ କରି ସରକାର ତୁରନ୍ତ କୋର୍ଟ ପ୍ରତିଷ୍ଠା ଲାଗି ପଦକ୍ଷେପ ନେବାକୁ ଦାବି କରିଥିଲେ। ନଚେତ୍ ପୁଣି ଓକିଲମାନେ ଆନ୍ଦୋଳନ ଲାଗି ରାଜରାସ୍ତାକୁ ଓହ୍ଲାଇବେ ବୋଲି ସରକାରଙ୍କୁ ଚେତାବନୀ ଦେଇଛନ୍ତି। ଏଥିରେ ଉପସଭାପତି ସୀମାଞ୍ଚଳ ସେଠୀ, ବରିଷ୍ଠ ଓକିଲ ଦେବେନ୍ଦ୍ର ମହାପାତ୍ର, ଉପେନ୍ଦ୍ର ପଣ୍ଡା, ପ୍ରଭାତ କୁମାର ପଟ୍ଟନାୟକ, ସ୍ବରାଜ ପାଣିଗ୍ରାହୀ, ସୀମାଞ୍ଚଳ ମିଶ୍ର, ନିରଞ୍ଜନ ବେହେରା,ପ୍ରଶାନ୍ତ ପାଢୀ, ପ୍ରଫୁଲ ପଣ୍ଡା, ଅଶୋକ କୁମାର ମହାକୁଡ, ଅକ୍ଷୟ କୁମାର ବେହେରା, ସଦାଶିବ ପଣ୍ଡା, ରମାରଞ୍ଜନ ଦାଶ, ମହାଦେବ ପଣ୍ଡା, ଦୟାନିଧି ପଣ୍ଡା, ରାମଚନ୍ଦ୍ର ଆଚାର୍ଯ୍ୟ, ପ୍ରମୋଦ କୁମାର ବେହେରାଙ୍କ ସମେତ ବହୁ ଓକିଲ ଉପସ୍ଥିତ ଥିଲେ।