ଅନୁଗୋଳ ଅଫିସ/ ଛେଣ୍ଡିପଦା,୨୨।୬ – ଅନୁଗୋଳ ନଗର କଂଗ୍ରେସ ଓ ବ୍ଲକ କଂଗ୍ରେସ ନେତୃତ୍ୱରେ ମଙ୍ଗଳବାର ଜିଲା ମୁଖ୍ୟ ଡାକଘର ସମ୍ମୁଖରେ ଗଣବିକ୍ଷୋଭ ଅନୁଷ୍ଠିତ ହୋଇଯାଇଛି। ଦିଲ୍ଲୀସ୍ଥିତ ଏଆଇସିସି କାର୍ଯ୍ୟାଳୟରେ ପଶି କେନ୍ଦ୍ରୀୟ ପୋଲିସ ଯେପରି ଭାବେ କଂଗ୍ରେସ କର୍ମୀଙ୍କ ଉପରେ ଲାଠିମାଡ଼ କଲା ତାହାର ପ୍ରତିବାଦରେ ଏହି ଗଣ ବିକ୍ଷୋଭ କରାଯାଇଥିଲା। ଏଥିରେ ଉପସ୍ଥିତ ବକ୍ତାମାନେ କେନ୍ଦ୍ର ସରକାରଙ୍କ ଆକ୍ଷେପ ରାଜନୀତିକୁ ନିନ୍ଦା କରିବା ସହ କଂଗ୍ରେସକୁ ଜନ ସମାଜରେ ନିନ୍ଦିତ କରିବା ପାଇଁ ଯେଉଁ ଅପଚେଷ୍ଟା କରାଯାଉଛି ତାହା ଗ୍ରହଣୀୟ ନୁହେଁ ବୋଲି ମତବ୍ୟକ୍ତ କରିଥିଲେ। ପରେ ସେମାନେ ପଦଯାତ୍ରାରେ ରାଜା ସୋମନାଥ ସିଂହଙ୍କ ପ୍ରତିମୂର୍ତ୍ତି ଯାଏ ଯିବା ସହ ସେଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କୁଶପୁତ୍ତଳିକା ଦାହ କରିଥିଲେ। ଏହି କାର୍ଯ୍ୟକ୍ରମରେ ଜିଲା କଂଗ୍ରେସ ସଭାପତି ବିପ୍ଳବ ଜେନା ମୁଖ୍ୟ ଅତିଥି ଭାବେ ଯୋଗ ଦେଇଥିବାବେଳେ ରାଜ୍ୟ କଂଗ୍ରେସ ସମ୍ପାଦକ ସରୋଜ ପ୍ରଧାନ, ରାଜ୍ୟ କିଷାନ ସେଲ୍ ଉପସଭାପତି ଅମୀୟ ସାହୁ, ରାଜ୍ୟ ଓବିସି ସେଲ୍ ସାଧାରଣ ସମ୍ପାଦକ ଜିତେନ୍ଦ୍ର ସାହୁ, ଜିଲା ମିଡିଆ ସେଲ୍ ଅଧ୍ୟକ୍ଷ ଗୋପାଳ ନାଥ, ଜିଲା ଓବିସି ସେଲ୍ ଅଧ୍ୟକ୍ଷ ପ୍ରବୋଧ ସ୍ବାଇଁ, ଜିଲା ମହିଳା କଂଗ୍ରେସ ସଭାନେତ୍ରୀ ତପସ୍ବିନୀ ବିଶ୍ବାଳ, ଜୟନ୍ତ ସାହୁ, ଚିତ୍ତରଞ୍ଜନ ନାଏକ, ବଲବୀର ସିଂ, ରାକେଶ ମିଶ୍ର, ସଞ୍ଜୀବ କୁମାର ମାଣ୍ଡୋଠିଆ, ଅରୁଣ ସାହୁ, ରଶ୍ମି ରଞ୍ଜନ ସାହୁ, ସୈମ୍ୟରଞ୍ଜନ ସାହୁ, ଧର୍ମେନ୍ଦ୍ର ମିଶ୍ର, ନଗର ମହିଳା କଂଗ୍ରେସ ସଭାନେତ୍ରୀ ଅଳକା ମହାପାତ୍ର, ବପୁନ ଦେହୁରୀ, ଗୋପାଳ ପ୍ରଧାନ, ବିଜୟ କେତନ ପ୍ରଧାନ, ରାକେଶ ପୃଷ୍ଟି ପ୍ରମୁଖ ଶତାଧିକ କଂଗ୍ରେସ କର୍ମୀ ଯୋଗ ଦେଇଥିଲେ। ବ୍ଲକ କଂଗ୍ରେସ ସଭାପତି ଅମୂଲ୍ୟ ବେହେରା ପରିଚାଳନା କରିଥିଲେ। ସେହିପରି ଛେଣ୍ଡିପଦା ବ୍ଲକ କଂଗ୍ରେସ ପକ୍ଷରୁ ସବ୍ପୋଷ୍ଟ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। ବ୍ଲକ କଂଗ୍ରେସ ସଭାପତି କୃତାର୍ଥ ଦେହୁରୀଙ୍କ ନେତୃତ୍ୱରେ ବ୍ଲକ ଉପସଭାପତି ପ୍ରିୟବ୍ରତ ନାୟକ, ସାଧାରଣ ସମ୍ପାଦକ ସୁରେଶ ସାହୁ, କୋଷାଧ୍ୟକ୍ଷ ଜିତେନ କୁମାର ସାହୁଙ୍କ ସମେତ ବହୁ କର୍ମୀ ଯୋଗଦେଇଥିଲେ।