ଗଞ୍ଜାମ,୧୯ା୧୧(ଡି.ଏନ.ଏ.): ଗଞ୍ଜାମ ଏନ୍ଏସି ଅନ୍ତର୍ଗତ ଦାମୋଦରପୁର ଗ୍ରାମ ଋଷିକୁଲ୍ୟା ନଦୀ କୂଳରେ ଆରମ୍ଭ ହେଉଥିବା ନଦୀବନ୍ଧ ସୁଦୃଢ଼ିକରଣ ପ୍ରକଳ୍ପ ବିଭାଗୀୟ ଅଧିକାରୀ ଶୁକ୍ରବାର ପରିଦର୍ଶନ କରିଛନ୍ତି। କ୍ୱାଲିଟି ଆନ୍ସୁରାନ୍ସ ଚି଼ଫ ଇଞ୍ଜିନିୟର ବ୍ରଜ କିଶୋର ପରିଡା, କ୍ୱାଲିଟି ଆନ୍ସୁରାନ୍ସ ଆଡିସନାଲ ଚି଼ଫ ଇଞ୍ଜିନିୟର ଉଦୟ ନାଥ ସାହୁ, ଅଧିକ୍ଷଣ ଯନ୍ତ୍ରୀ ରବୀନ୍ଦ୍ର ନାଥ ଦାଶ, ବ୍ରହ୍ମପୁର ଜଳ ସେଚନ ବିଭାଗ ଅଧିକ୍ଷକ ଯନ୍ତ୍ରୀ ଜୟଦୀପ ପଣ୍ଡା, ହୁମ୍ମା ସହକାରୀ ନିର୍ବାହୀ ଯନ୍ତ୍ରୀ ଅଜିତ କୁମାର ପ୍ରଧାନ, ହୁମ୍ମା କନିଷ୍ଟ ଯନ୍ତ୍ରୀ ରବୀନ୍ଦ୍ର ନାହାକ ପ୍ରମୁଖ ବିଭଗୀୟ ଅଧିକାରୀ ଋଷିକୁଲ୍ୟା କୂଳରେ ହେବାକୁ ଥିବା ପ୍ରକଳ୍ପର ପ୍ରାକ କାର୍ଯ୍ୟର ପରିଦର୍ଶନ କରିବା ସହ ସ୍ଥାନୀୟ ଦାମୋଦରପୁରବାସୀଙ୍କ ସହ ପ୍ରକଳ୍ପ ଆରମ୍ଭ ସହଯୋଗ ପାଇଁ ଏକ ସଚେତନତା ସୃଷ୍ଟି କରିଥିଲେ। ବର୍ତ୍ତମାନ ନଦୀ କୂଳ ସଫା କାର୍ଯ୍ୟ ଚାଲୁ ରହିଥିବା ବେଳେ ପ୍ରକଳ୍ପର ରୂପରେଖ ଉପରେ ଚି଼ଫ ଇଞ୍ଜିନିୟର ପରିଡା ଅଧିକାରୀମାନଙ୍କ ସହ ଆଲୋଚନା କରିବା ସହ ଠିକାଦାରଙ୍କୁ ନିର୍ଦ୍ଦେଶ ଦେଇଥିଲେ। ଅଞ୍ଚଳବାସୀଙ୍କ ସହଯୋଗ କରିବା ନେଇ ସଚେତନତା ସୃଷ୍ଟି କରାଯାଇଥିଲା। ୧୨ ନମ୍ବର ୱାର୍ଡ କାଉନସିଲର ଚନ୍ଦ୍ର ଶେଖର ରେଡ୍ଡୀ, ପି. ରାଜୁ ରେଡ୍ଡୀ, ଇସ୍ପିତ ବେହେରା, ସୀମାଞ୍ଚଳ ବେହେରା, ନିରଞ୍ଜନ ବେହେରା, ଗ୍ରାମବାସୀଙ୍କ ସହ ଅନ୍ୟମାନେ ଉପସ୍ଥିତ ଥିଲେ। ସୂଚନାଥାଉକି, ୮୪୦ ମିଟର ନଦୀବନ୍ଧ ସୁଦୃଢ଼ିକରଣ, ମୋରମ ରୋଡ଼ ୬୧୨ ମିଟର ପ୍ରକଳ୍ପ କାର୍ଯ୍ୟର ଆରମ୍ଭ ହେବାର କାର୍ଯ୍ୟକ୍ରମ ରହିଛି।