ମୁମ୍ବାଇ,୧୦।୧୦: ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଅଜିତ ପାୱାରଙ୍କ ନେତୃତ୍ୱରେ ଏନସିପି ସରକାରରେ ୧୦୦ ଦିନ ପୂରଣ ହୋଇଛି। ଏହି ଅବସରରେ ଅଜିତ ପାୱାର ପ୍ରେରଣାଦାୟକ ବ୍ୟକ୍ତିତ୍ୱଙ୍କୁ ମନେ ପକାଇଛନ୍ତି। ଏକ ଖୋଲା ଚିଠି ଲେଖି ଜନସାଧାରଣଙ୍କ ସମସ୍ୟାର କାର୍ଯ୍ୟ ମାଧ୍ୟମରେ ସମାଧାନ ପାଇଁ ସଙ୍କଳ୍ପ ନେଇଛନ୍ତି। ସୂଚନାଯୋଗ୍ୟ, ଅଜିତ ପାୱାରଙ୍କ ସହ ତାଙ୍କ ଦଳର ୮ ଜଣ ବିଧାୟକ ଜୁଲାଇ ୨ରେ ଭାଜପା-ଶିବସେନା ମେଣ୍ଟ ସରକାରରେ ଯୋଗ ଦେଇଥିଲେ।
ଅଜିତ ପାୱାର ତାଙ୍କ ଖୋଲା ଚିଠିରେ ଲେଖିଛନ୍ତି ଯେ, ରୋଜଗାର, ସମସ୍ତ ସାମାଜିକ ଶ୍ରେଣୀର ଅର୍ଥନୈତିକ ସଶକ୍ତିକରଣ, ଶିକ୍ଷା, ସ୍ବାସ୍ଥ୍ୟ, ଜନ କଲ୍ୟାଣ ଯୋଜନା ଲାଗୁ କରିବା ସରକାରଙ୍କ ଉଦ୍ଦେଶ୍ୟ। ଏନସିପି ଶକ୍ତି ମାଧ୍ୟମରେ ଏହା ଉପରେ ଅଧିକ ଦୃଢ ଭାବେ କାର୍ଯ୍ୟ କରିବ। ଅଜିତ ପାୱାର ଛତ୍ରପତି ଶିବାଜୀ ମହାରାଜ, ଜ୍ୟୋତିବା ଫୁଲେ, ଛତ୍ରପତି ଶାହ ମହାରାଜ, ବି. ଆର ଆମ୍ବେଦକରଙ୍କ ପରି ବ୍ୟକ୍ତିତ୍ୱଙ୍କୁ ମନେ ପକାଇଛନ୍ତି।
ଅଜିତ ପାୱାର କହିଛନ୍ତି, ମୁଁ ଜଣେ ରାଜନୈତିକ କାର୍ଯ୍ୟକର୍ତ୍ତା। ଯିଏ ସକରାତ୍ମକ, ବିକାଶ ରାଜନୀତିରେ ବିଶ୍ୱାସ କରେ। ମୋର ଉଦ୍ଦେଶ୍ୟ ହେଉଛି ଜନସାଧାରଣଙ୍କ ପାଇଁ କାର୍ଯ୍ୟ କରିବା ଏବଂ ସେବା ମାଧ୍ୟମରେ ଲୋକଙ୍କ ଜୀବନରେ ସକରାତ୍ମକ ପରିବର୍ତ୍ତନ ଆଣିବା। ଅଜିତ ତାଙ୍କ ଖୋଲା ଚିଠିରେ କୃଷକ, ଯୁବକ, ମହିଳା ଏବଂ ଅନ୍ୟାନ୍ୟ ସାମାଜିକ ଗୋଷ୍ଠୀର ସ୍ବାର୍ଥ ପାଇଁ କାର୍ଯ୍ୟ କରିବାକୁ ପ୍ରତଶ୍ରୁତି ଦେଇଛନ୍ତି।