ଇସଲାମାବାଦ,୯।୨: ପାକିସ୍ତାନ ସାଧାରଣ ନିର୍ବାଚନ ଭୋଟ ଗଣତି ଶୁକ୍ରବାର ଚାଲିଛି। ସନ୍ଧ୍ୟା ସୁଦ୍ଧା ଫଳାଫଳ ଆସିବା ପରେ ସ୍ପଷ୍ଟ ହୋଇଯିବ କିଏ ଗଢିବ ନୂଆ ସରକାର । କାହାକୁ ମିଳିବ ସ୍ପଷ୍ଟ ବହୁମତ, କି ପାକିସ୍ତାନରେ ହେବ ଝୁଲା ସରକାର। ଅନ୍ୟପକ୍ଷେ ଆଗେଇ ଚାଲିଛି ଇମ୍ରାନ ଖାନଙ୍କ ଦଳ ପିଟିଆଇ। ଇମ୍ରାନ ଖାନଙ୍କ ଦଳ ପିଟିଆଇକୁ ଅବୈଧ ଘୋଷଣା କରାଯିବା ପରେ ସମସ୍ତ ପ୍ରାର୍ଥୀ ସ୍ବାଧୀନ ଭାବେ ନିବାଚନ ଲଢିଥିଲେ। ବର୍ତ୍ତମାନର ଟ୍ରେଣ୍ଡ ଅନୁଯାୟୀ, ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପାର୍ଟି ପିଟିଆଇ ଆଗୁଆ ରହିଛି।
ଅନ୍ୟପକ୍ଷେ ନୱାଜ ସରିଫଙ୍କ ଦଳ ସର୍ବାଧିକ ସଂଖ୍ୟକ ଆସନ ଜିତିବ ବୋଲି ପୂର୍ବାନୁମାନ କରାଯାଉଥିଲା, କିନ୍ତୁ ବର୍ତ୍ତମାନର ଫଳାଫଳ ଅନୁସାରେ ଚିତ୍ର ଓଲଟା ହେବାରେ ଲାଗିଛି।
ସୂଚନାଯୋଗ୍ୟ, ପାକିସ୍ତାନ ନିର୍ବାଚନ କମିଶନଙ୍କ ପକ୍ଷରୁ ପ୍ରକାଶ ପାଇଥିବା ରିପୋର୍ଟ ଅନୁସାରେ, ନୱାଜ ଶରିଫ ଲାହୋର ଆଶନରୁ ବିଜୟୀ ହୋଇଛନ୍ତି। ନୱାଜ ଶରିଫ ଜିତିଥିଲେ ମଧ୍ୟ ତାଙ୍କ ଦଳ ପାକିସ୍ତାନ ମୁସଲିମ ଲିଗ ଇମ୍ରାନ ଖାନ୍ଙ୍କ ସ୍ବାଧୀନ ଦଳଠାରୁ ପଛରେ ରହିଛି। ଭୋଟ ଗଣିତ ପରେ ଅନ୍ତିମ ଫଳାଫଳ କାହା ସପକ୍ଷରେ ଯାଉଛି ଏହା ଉପରେ ସମସ୍ତଙ୍କ ନଜର ରହିଛି।
