ଭୁବନେଶ୍ୱର,୧୨।୫: ଭୁବନେଶ୍ୱରରେ କିଛି ଦିନ ହେଲା ଆକ୍ରାନ୍ତଙ୍କ ସଂଖ୍ୟା ୧ ହଜାରରୁ ଉର୍ଦ୍ଧ୍ୱରେ ରହୁଛି। ବୁଧବାର ରାଜଧାନୀରୁ ୧୨୯୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। କ୍ୱାରେଣ୍ଟିନରୁ ୧୬୩ ଓ ସ୍ଥାନୀୟ ଅଞ୍ଚଳରୁ ୧୧୩୧ ଆକ୍ରାନ୍ତ ରହିଛନ୍ତି। ଭୁବନେଶ୍ୱରରୁ ୮୦୩ ସୁସ୍ଥ ହୋଇଥିବା ଭୁବନେଶ୍ୱର ମହାନଗର ନିଗମ (ବିଏମସି) ପକ୍ଷରୁ ଟୁଇଟ କରି ଏହି ସୂଚନା ଦିଆଯାଇଛି। ବିଏମସିର ସୂଚନା ମୁତାବକ, ନୟାପଲ୍ଲୀରୁ ସର୍ବାଧିକ ୬୨ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେହିପରି ପଟିଆରୁ ୫୭ ଚିହ୍ନଟ ହୋଇଥିବା ବେଳେ ବରଗଡ଼ରୁ ୪୬, ଜଗମୋନହନଗରରୁ ୪୪, ପୁରୁଣା ଭୁବନେଶ୍ୱରରୁ ୪୨, ରସୁଲଗଡ଼ ଏବଂ ଲୁଇସ୍ରୋଡରୁ ୩୬ ଜଣ ଚିହ୍ନଟ ହୋଇଛନ୍ତି। ଚିନ୍ତାମଣିଶ୍ୱର, ମାଷ୍ଟରକ୍ୟାଣ୍ଟିନ ଓ ବରମୁଣ୍ଡାରୁ ୩୪ ଆକ୍ରାନ୍ତ ହୋଇଥିବା ବେଳେ ମଞ୍ଚେଶ୍ୱରରୁ ୩୨, ଝାରପଡ଼ା ଓ ସୁନ୍ଦରପଦାରୁ ୩୧, ଡୁମଡୁମାରୁ ୨୮, ଜୟଦେବ ବିହାରରୁ ୨୫, କଳ୍ପନାରୁ ୨୪ ପଜିଟିଭ ଚିହ୍ନଟ ହୋଇଛନ୍ତି।
