ସିଓଲ,୨୨ା୩: ବୁଧବାର ଉତ୍ତର କୋରିଆ ଏହାର ପୂର୍ବ ଉପକୂଳରୁ ଅନେକ କ୍ରୁଜ କ୍ଷେପଣାସ୍ତ୍ର ନିକ୍ଷେପ କରିଥିବା ଦକ୍ଷିଣ କୋରିଆ ସେନା ସୂଚନା ଦେଇଛନ୍ତି। ଚେତାବନୀ ସତ୍ତ୍ୱେ ଉତ୍ତର କୋରିଆ କ୍ରମାଗତ ଭାବରେ କ୍ଷେପଣାସ୍ତ୍ର ପରୀକ୍ଷା ଜାରି ରଖିଛି। ଦକ୍ଷିଣ କୋରିଆ ଏବଂ ଆମେରିକା ମଧ୍ୟରେ ସାମରିକ ଅଭ୍ୟାସକୁ ଦୃଷ୍ଟିରେ ରଖି ଏହି କ୍ଷେପଣାସ୍ତ୍ର ପରୀକ୍ଷା କରିଥିବା କୁହାଯାଉଛି।
ଦକ୍ଷିଣ କୋରିଆର ଯୁଗ୍ମ କର୍ମଚାରୀ (ଜେସିଏସ୍) କହିଛନ୍ତି, ଉତ୍ତର କୋରିଆ ବୁଧବାର ସ୍ଥାନୀୟ ସମୟ ପ୍ରାୟ ୧୦ଟା ୧୫ ମିନିଟ୍ରେ ଏହାର ଦକ୍ଷିଣ ହାମଗୋଙ୍ଗ ପ୍ରଦେଶରୁ ଏହି କ୍ଷେପଣାସ୍ତ୍ରଗୁଡିକୁ ନିକ୍ଷେପ କରିଥିଲା। ତେବେ କେତେ କ୍ଷେପଣାସ୍ତ୍ର ପରୀକ୍ଷା କରାଯାଇଥିଲା ଏବଂ କେଉଁ ପ୍ରକାରର କ୍ଷେପଣାସ୍ତ୍ର ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ।
