ମୁଁ ଯେତେବେଳେ ଓୟୁଏଟିରେ ପଢ଼ୁଥିଲି ସେତେବେଳେ ପୁଅ ପିଲାଙ୍କ ସଂଖ୍ୟା ଅଧିକ ଥିଲା। କିନ୍ତୁ ଏବେ ସମୟ ବଦଳି ଯାଇଛି। ବର୍ତ୍ତମାନ ଏଠାରେ ଯଦି ଏକ ଆକଳନ କରାଯାଏ ତେବେ ପାଖାପାଖି ୬୦ ପ୍ରତିଶତ ଝିଅ ପିଲା ପଢ଼ୁଛନ୍ତି। କେବଳ ଏତିକି ନୁହେଁ, ଏମାନଙ୍କ ମଧ୍ୟରୁ ପ୍ରାୟ ୭୦ ପ୍ରତିଶତ କୃଷି ଏବଂ ବିଜ୍ଞାନ କ୍ଷେତ୍ରରେ ଚାକିରି କରୁଛନ୍ତି। ପ୍ରକୃତପକ୍ଷେ ଏବେ ମହିଳାମାନଙ୍କର ନିଷ୍ଠା ଓ ଆଗ୍ରହ ସେମାନଙ୍କୁ ଅଗ୍ରଗାମୀ କରାଇଛି। ବିଭିନ୍ନ କ୍ଷେତ୍ରରେ ସେମାନେ ନିଜର ପାରଦର୍ଶିତା ପ୍ରଦର୍ଶିତ କରିଚାଲିଛନ୍ତି। ତେଣୁ ସେମାନେ ନିଜ ସ୍ବପ୍ନକୁ ସାକାର ଲାଗି ମନୋବଳକୁ ଦୃଢ଼ କରିବା ଦରକାର। ବର୍ତ୍ତମାନ ବିଜ୍ଞାନ ବେଶ୍ ଉନ୍ନତି କରିଛି। ଅନେକ ମହିଳା ବୈଜ୍ଞାନିକ ଗବେଷଣା କ୍ଷେତ୍ରରେ ଉଦାହରଣ ସାଜିଲେଣି। ତେଣୁ ଅନ୍ତର୍ଜାତୀୟ ମହିଳା ଏବଂ ବାଳିକା ବିଜ୍ଞାନ ଦିବସର ତାତ୍ପର୍ଯ୍ୟ ବୁଝିପାରିଲେ ବିଜ୍ଞାନ କ୍ଷେତ୍ରରେ ଆହୁରି ଅଧିକ ସଂଖ୍ୟାରେ ସାମିଲ ହୋଇ ନିଜ ପରାକାଷ୍ଠା ପ୍ରତିପାଦିତ କରାଇପାରିବେ।
-ଡ. ଅନୁପମା ବଳିୟାରସିଂ
ପ୍ରଫେସର, ଆଗ୍ରୋନୋମି ବିଭାଗ, କଲେଜ ଅଫ୍ ଏଗ୍ରିକଲଚର,
ଓୟୁଏଟି, ଭୁବନେଶ୍ୱର