‘ପ୍ରେମ ଦୋକାନରେ ନୁହେଁ, ଆମ ହୃଦୟରେ ରହିବା ଦରକାର’, ରାହୁଲଙ୍କୁ ଟାର୍ଗେଟ କଲେ ଫଡନାଭିସ

ମୁମ୍ବାଇ,୧୪।୧୦: ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଶୁକ୍ରବାର ରାହୁଲ ଗାନ୍ଧୀଙ୍କୁ ଟାର୍ଗେଟ କରି କହିଛନ୍ତି ଯଦି କଂଗ୍ରେସ ଯେତିକି ଜନସଂଖ୍ୟା, ଯେତିକି ଅଂଶଗ୍ରହଣ ନୀତିରେ ବିଶ୍ୱାସ କରେ ତା’ହେଲେ ତାଙ୍କ ଶାସନ କାଳରେ ଗୋଟିଏ ପରିବାରରୁ ସଂଖ୍ୟକ ପ୍ରଧାନମନ୍ତ୍ରୀ ହେବେ ନାହିଁ।
ମହାରାଷ୍ଟ୍ରର ୱାଶିମ ଜିଲାରେ ଭାରତୀୟ ଜନତା ପାର୍ଟିର ଓବିସି ମୋର୍ଚ୍ଚା ଦ୍ୱାରା ଆୟୋଜିତ ‘ଓବିସି ଜାଗର ଯାତ୍ରା’କୁ ସମ୍ବୋଧିତ କରି ଫଡନାଭିସ କହିଛନ୍ତି ଯେ ଭାଜପା ଶାସନ ଅଧୀନରେ ଅନ୍ୟ ପଛୁଆ ବର୍ଗମାନେ ରାଜନୈତିକ ଶକ୍ତି ତଥା କଲ୍ୟାଣକାରୀ ସୁବିଧା ପାଇଁ ପର୍ଯ୍ୟାପ୍ତ ଅଂଶ ଗ୍ରହଣ କରୁଛନ୍ତି। ଦେଶରେ ଜାତି ଭିତ୍ତିକ ଜନଗଣନା ଉପରେ ଗୁରୁତ୍ୱ ଦେଉଥିବା କଂଗ୍ରେସ ‘ଅଧିକ ଜନସଂଖ୍ୟା, ଅଧିକ ଅଂଶଗ୍ରହଣ’ ସ୍ଲୋଗାନ ବ୍ୟବହାର କରୁଛି। ଏହି ସ୍ଲୋଗାନ ବିଷୟରେ ସେ ପଚାରିଥିଲେ, ତେବେ ଏତେ ସଂଖ୍ୟକ ପ୍ରଧାନମନ୍ତ୍ରୀ କେବଳ ଗୋଟିଏ ପରିବାରରୁ କାହିଁକି ଆସିଛନ୍ତି ବୋଲଇ ସେ ପ୍ରଶ୍ନ କରିଛନ୍ତି। ସେ ଦାବି କରିଛନ୍ତି ଯେ କଂଗ୍ରେସ ଏବଂ ଉଦ୍ଧବ ଠାକରେଙ୍କ ଦଳ (ଶିବସେନା) ଥରେ ମଣ୍ଡଳ କମିଶନଙ୍କ ରିପୋର୍ଟକୁ ବିରୋଧ କରିଥିଲେ।
କଂଗ୍ରେସ କାର୍ଯ୍ୟକ୍ରମରେ ସ୍ଥାନୀୟ ଦଳର ନେତାଙ୍କ ମଧ୍ୟରେ ହୋଇଥିବା ସଂଘର୍ଷ ସମ୍ପର୍କରେ ଫଡନାଭିସ କହିଛନ୍ତି ଯେ (କଂଗ୍ରେସ ନେତା) ରାହୁଲ ଗାନ୍ଧୀ ପ୍ରେମ ଦୋକାନ ବିଷୟରେ କଥାବାର୍ତ୍ତା କରନ୍ତି, କିନ୍ତୁ ପ୍ରେମ ଏକ ଦୋକାନରେ ନୁହେଁ ବରଂ ଏହା ଆମ ହୃଦୟରେ ରହିବା ଆବଶ୍ୟକ। ସେ କହିଛନ୍ତି ଯେ କଂଗ୍ରେସର ୧୭ପ୍ରତିଶତ ମୁଖ୍ୟମନ୍ତ୍ରୀ ଓବିସି ଥିବାବେଳେ ଭାଜପା କ୍ଷେତ୍ରରେ ଏହି ଅନୁପାତ ୩୧ ପ୍ରତିଶତ। ଫଡନାଭିସ କହିଛନ୍ତି ଯେ ଓବିସି ପାଇଁ ଭାଜପା ଏକ ପୃଥକ ମନ୍ତ୍ରଣାଳୟ ଆରମ୍ଭ କରିଛି। ସେ ନିଶ୍ଚିତ କରିଛନ୍ତି ଯେ ମହାରାଷ୍ଟ୍ରରେ ମରାଠା ଏବଂ ଧଙ୍ଗର ସମ୍ପ୍ରଦାୟ ସଂରକ୍ଷଣ ପାଇବେ ବୋଲି ଭାଜପା ନିଶ୍ଚିତ କରିବ।