ନୂଆଦିଲ୍ଲୀ,୨୮।୪ : ଅରୁଣ ଜେଟଲି ଗ୍ରାଉଣ୍ଡରେ ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ବିପକ୍ଷରେ ୫୭ ରନ୍ର ଇନିଂସ ଅବସରରେ ସ୍ବତନ୍ତ୍ର କ୍ଲବରେ ସାମିଲ ହୋଇଛନ୍ତି ଡେଭିଡ୍ ଓ୍ବାର୍ନର। ବିଶ୍ୱର ଚତୁର୍ଥ ଓ ଅଷ୍ଟ୍ରେଲିଆର ପ୍ରଥମ ବ୍ୟାଟ୍ସମ୍ୟାନ ଭାବେ ଟି୨୦ କ୍ରିକେଟରେ ସେ ପୂରଣ କରିଛନ୍ତି ୧୦ ହଜାର ରନ୍। ମ୍ୟାଚ୍ ପୂର୍ବରୁ ଏହି ମାଇଲଷ୍ଟୋନରେ ପହଞ୍ଚିବା ପାଇଁ ତାଙ୍କୁ ୪୦ ରନ୍ ଦରକାର ଥିଲା। ୫୭ ରନ୍ର ପାଳି ଯୋଗୁ ଟି୨୦ ଫର୍ମାଟ(ଅନ୍ତର୍ଜାତୀୟ ଓ ଫ୍ରାଞ୍ଚାଇଜ ଭିତ୍ତିକ ଲିଗ୍)ରେ ତାଙ୍କ ରନ୍ ୧୦,୦୧୭ରେ ପହଞ୍ଚିଛି।
ଏହି ତାଲିକା ଶୀର୍ଷରେ ଅଛନ୍ତି ଜଣାଶୁଣା କ୍ରିସ ଗେଲ୍। ତାଙ୍କ ନାମରେ ରହିଛି ସର୍ବାଧିକ ୧୩,୮୩୯ ରନ୍। ତାଙ୍କ ପଛକୁ କିରନ ପୋଲାର୍ଡ (୧୦,୬୯୪ ରନ୍) ଓ ଶୋଏବ ମଲିକ (୧୦,୪୮୮ ରନ୍) ରହିଛନ୍ତି।
