ବମ୍ବେ: ବିବାହ କରିନେଇଛନ୍ତି ଟେଲି ପରଦାର ଲୋକପ୍ରିୟ ବୋହୂ ଦେବୋଲିନା ଭଟ୍ଟାଚାର୍ଯ୍ୟ। ସୋସିଆଲ ମିଡିଆରେ ଅଭିନେତ୍ରୀ ନିଜର ଏକାଧିକ ଫଟୋ ଶେୟାର କରିବା ପରେ ଏଭଳି କିଛି ଚର୍ଚ୍ଚା ଜୋର ଧରିଛି। ଫଟୋଗୁଡ଼ିକରେ ଦେବୋଲିନା ମେହେନ୍ଦୀ, ଲାଲ ଚୁଡି, ମଥାମଣି, ମଙ୍ଗଳସୂତ୍ର, ବିନ୍ଦି ଆଦି ପିନ୍ଧିଛନ୍ତି। ଏହାଛଡ଼ା ଗୋଟିଏ ଫଟୋରେ ସେ ଜୀବନସାଥୀଙ୍କ ହାତରେ ହାତ ରଖି ଫଟୋ ଉଠାଇଛନ୍ତି। ଏପରି କରି ସେ ନିଜର ନିର୍ବନ୍ଧ ମୁଦି ଦେଖାଇଛନ୍ତି।
ପୂର୍ବରୁ ଦେବୋଲିନା ବନ୍ଧୁ ବିଶାଳ ସିଂହଙ୍କ ସହ ନିର୍ବନ୍ଧ ଭିଡିଓ ଶେୟାର କରି ପ୍ରଶଂସକଙ୍କୁ ଚମକାଇଥିଲେ। ହେଲେ ପରେ ତାହା ଏକ ମ୍ୟୁଜିକ ଭିଡିଓ ପାଇଁ ଥିବା ଜଣାପଡ଼ିଥିଲା। ଏଣୁ ଦେବୋଲିନା ପୁଣି ଥରେ ସେଭଳି କିଛି ପ୍ରାଙ୍କ କରୁଛନ୍ତି କି ସତରେ ବିବାହ କରିନେଇଛନ୍ତି ତାହାକୁ ନେଇ ଆଲୋଚନା ବଢ଼ିଛି। ତେବେ ଯଦି ଏହା ସତ ହୋଇଥାଏ କିଏ ସେ ଜୀବନସାଥୀ ତାହା ଆଗାମୀ ଦିନରେ ତାହା ସ୍ପଷ୍ଟ ହେବ।