ପୁଣେ,୬।୪: ସ୍ଥାନୀୟ ଡି ଓ୍ବାଇ ପାଟିଲ ଷ୍ଟାଡିୟମରେ ବୁଧବାର ମୁମ୍ବାଇ ଇଣ୍ଡିଆନ୍ସ ବିପକ୍ଷରେ କୋଲକାତା ନାଇଟ୍ ରାଇଡର୍ସ (କେକେଆର୍) ଅଧିନାୟକ ଶ୍ରେୟାସ ଆୟାର ଟସ୍ ଜିତି ବୋଲିଂ ନିଷ୍ପତ୍ତି ନେଇଛନ୍ତି। ଏହି ମ୍ୟାଚ୍ ଜରିଆରେ ଆଇପିଏଲ ପଦାର୍ପଣ କରିବାକୁ ଯାଉଛନ୍ତି ବେବି ଏବି ଭାବେ ପରିଚିତ ଦକ୍ଷିଣ ଆଫ୍ରିକୀୟ ଯୁବ ଡଓ୍ବୋଲ୍ଡ ବ୍ରେଭିସ। ତାଙ୍କ ବ୍ୟତୀତ ସୂର୍ଯ୍ୟ କୁମାର ଯାଦବ ମଧ୍ୟ ଦଳକୁ ଫେରିଛନ୍ତି। କୋଲକାତା ଦଳରେ ମଧ୍ୟ ଦୁଇ ପରିବର୍ତ୍ତନ କରାଯାଇଛି। ଟିମ୍ ସୌଦି ଏବଂ ଶିବମ ମାଭିଙ୍କ ବଦଳରେ ପାଟ କୁମିନ୍ସ ଓ ରାଶିକ ସଲାମଙ୍କୁ ଦଳରେ ସାମିଲ କରାଯାଇଛି।