ନୂଆଦିଲ୍ଲୀ, ୧୯।୭ : ଉଡ଼ାଣ ସମୟରେ ବିମାନରେ ଘଟୁଥିବା ତ୍ରୁଟି କ୍ରମାଗତ ବଢ଼ିବାରେ ଲାଗିଛି। ଏସମ୍ପର୍କରେ ଡିଜିସିଏ କଡା ଆଭିମୁଖ୍ୟ ଗ୍ରହଣ କରିଛି। ଡିଜିସିଏ ଜୁଲାଇ ୨୮ ପର୍ଯ୍ୟନ୍ତ ସମସ୍ତ ବିମାନ କମ୍ପାନୀକୁ ସମୟ ଦେଇଛି । ପ୍ରତ୍ୟେକ ବିମାନ ଉଡ଼ାଣ ପୂର୍ବରୁ ନିୟମ ଅନୁଯାୟୀ ଜାହାଜକୁ ଭଲ ଭାବରେ ଯାଞ୍ଚ କରାଯିବା ଉଚିତ ବୋଲି ଡିଜିସିଏ କହିଛି। ଯଦି ଏଥିରେକୌଣସି ପ୍ରକାରର ସମସ୍ୟା ଥାଏ, ତେବେ ଏହାକୁ ଜୁଲାଇ ୨୮ସୁଦ୍ଧା ଶେଷ କରିବାକୁ ଡିଜିସିଏ ନିର୍ଦ୍ଦେଶ ଜାରି କରିଛି। ବିମାନ କମ୍ପାନୀଗୁଡିକ ବାରମ୍ବାର ଏଭଳି ଦୁର୍ଘଟଣା ଚିହ୍ନଟ କରିବାରେ ସକ୍ଷମ ହେଉ ନଥିବାରୁ ଡିଜିସିଏ ଆଶ୍ଚର୍ଯ୍ୟ ପ୍ରକଟ କରିଛି। ସ୍ପାଇସଜେଟ ଏବଂ ଇଣ୍ଡିଗୋ ବିମାନରେ ସମସ୍ୟା ସାମ୍ନାକୁ ଆସିଛି। ଏହି ଅନ୍ତର୍ଜାତୀୟ ବିମାନଗୁଡିକୁ କରାଚିରେ ଅବତରଣ କରିବାକୁ ପଡିଛି।
ସୂଚନା ଅନୁଯାୟୀ, ଏହି ସମସ୍ୟାକୁ ଦୃଷ୍ଟିରେ ରଖି ଡିଜିସିଏ ସ୍ପଟ ଯାଞ୍ଚ କରିଥିଲା ଏବଂ ଅନେକ ତ୍ରୁଟି ଦେଖାଯାଇଥିଲା। ଗଣମାଧ୍ୟମର ରିପୋର୍ଟ ଅନୁଯାୟୀ, ବିମାନ କମ୍ପାନୀରେ ତ୍ରୁଟି ଚିହ୍ନଟ କରିବାରେ ବିମାନ କମ୍ପାନୀଗୁଡିକର ଭୁଲ ରହିଛି।
ବିମାନବନ୍ଦରରେ ଯୋଗ୍ୟ ଇଞ୍ଜିନିୟରମାନଙ୍କୁ ନିୟୋଜିତ କରାଯାଉ ନାହିଁ ବୋଲି ଡିଜିସିଏ ଜାଣିବାକୁ ପାଇଛି। ଏଭଳି ପରିସ୍ଥିତିରେ ଡିଜିସିଏ କହିଛନ୍ତି ଯେ ବିମାନ ସେବାଗୁଡିକ ଜୁଲାଇ ୨୮ ସୁଦ୍ଧା ଏହି ସମସ୍ୟାର ସମାଧାନ କରିବା ଉଚିତ। ନଚେତ ଦୃଢ଼ ପଦକ୍ଷେପ ଗ୍ରହଣ କରିବାରେ କୌଣସି ଦ୍ୱିଧା ପ୍ରକାଶ କରାଯିବ ନାହିଁ। ବିମାନର ସୁରକ୍ଷା ସମ୍ପର୍କରେ ବିମାନ ଚଳାଚଳ ବିଭାଗର ବରିଷ୍ଠ ଅଧିକାରୀଙ୍କ ସହ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କ ବୈଠକ ପରେ ସୋମବାର ଏହି ନିର୍ଦ୍ଦେଶ ଜାରି ହୋଇଛି।