କଟକ ଅଫିସ,୧୨।୪ : କଟକ ଜିଲା କୋର୍ଟରେ ହାଜର ହେଲେ ଡି-ବ୍ରଦର୍ସ। ଦୀପୁ ମଲ୍ଲିକ ଏବଂ ଓମ ସ୍ବାଇଁ ହତ୍ୟା ଘଟଣାରେ ସୁଶୀଲ ଓ ସୁଶାନ୍ତ ଧଳସାମନ୍ତଙ୍କୁ କୋର୍ଟରେ ହାଜର କରିଛି ପୋଲିସ ।
ସୂଚନାନୁସାରେ, ୨୦୧୩ ନଭେମ୍ବରରେ ଦୀପୁ ଏବଂ ଓମଙ୍କୁ ଅପହରଣ ପରେ ହତ୍ୟା କରାଯାଇଥିଲା। ଏହି ହତ୍ୟା ଘଟଣାରେ ଡି-ବ୍ରଦର୍ସଙ୍କୁ ମୁଖ୍ୟ ଅଭିଯୁକ୍ତ ବୋଲି ପୋଲିସ ଦର୍ଶାଇଥିଲା। ତେଣୁ ମାମଲାର ତଦନ୍ତକାରୀ ଅଫିସର ଇନ୍ସପେକ୍ଟର ରଶ୍ମୀ ମହାପାତ୍ର ସାକ୍ଷ୍ୟ ପ୍ରଦାନ ପାଇଁ ମଙ୍ଗଳବାର କୋର୍ଟ ହାଜର ହୋଇଛନ୍ତି। ତେବେ ପ୍ରତିପକ୍ଷ ଓକିଲ ମାମଲାର କେସ ରେକର୍ଡ ଅଦାଲତରେ ଦାଖଲ ପାଇଁ ନିବେଦନ କରିଥିଲେ। ତେଣୁ ମଙ୍ଗଳବାର ଅଦାଲତ ଏହି ହତ୍ୟା ଘଟଣାର କେସ ରେକର୍ଡ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ବୁଧବାର ମାମଲାର ପୁଣି ଶୁଣାଣି ହେବ।