ନୂଆଦିଲ୍ଲୀ,୪।୧: ଭାରତୀୟ କ୍ରିକେଟର ଯୁଜବେନ୍ଦ୍ର ଚହଲଙ୍କ ବ୍ୟକ୍ତିଗତ ଜୀବନରେ ଝଡ଼। କିଛିଦିନ ତଳେ ସେ ପତ୍ନୀ ଧନଶ୍ରୀ ବର୍ମାଙ୍କୁ ଛାଡ଼ପତ୍ର ଦେଉଥିବା ଖବର ଚର୍ଚ୍ଚାରେ ରହିଥିଲା। ହେଲେ ଏଥିରେ ମୋହର ବାଜି ନ ଥିଲେ। ଏବେ କିନ୍ତୁ ଯେଉଁ ନୂଆ ସୂଚନା ଆସିଛି ତାକୁ ଦେଖିଲେ ଏକଥା ଶତ ପ୍ରତିଶତ ସତ ବୋଲି ସ୍ପଷ୍ଟ ହେଉଛି। ସେଇଟି ହେଲା ଉଭୟ ଷ୍ଟାର ପରସ୍ପରକୁ ସୋସିଆଲ ମିଡିଆରେ ଅନ୍ଫଲୋ କରିଛନ୍ତି।
୨୦୨୦ରେ ବେଶ ଧୁମ୍ଧାମ୍ରେ ଧନଶ୍ରୀଙ୍କୁ ବିବାହ କରିଥିଲେ ଚହଲ। ଉଭୟ ଏକାଠି ନୃତ୍ୟ ଭିଡିଓ ମଧ୍ୟ ଶେୟାର କରନ୍ତି। ଏବେ ଦେଖାଯାଇଛି ଯେ ଦମ୍ପତି ଇନଷ୍ଟାଗ୍ରାମରେ ପରସ୍ପରକୁ ଅନ୍ଫଲୋ କରିଛନ୍ତି। ଏପରିକି ଯୁଜବେନ୍ଦ୍ର ସୋସିଆଲ ମିଡିଆରେ ଥିବା ଧନଶ୍ରୀଙ୍କ ସହ ଫଟୋଗୁଡ଼ିକୁ ହଟାଇ ଦେଇଛନ୍ତି। ହେଲେ ଧନଶ୍ରୀ ଏବେ ବି ସେସବୁକୁ ରଖିଛନ୍ତି।
କହିରଖୁଛୁ, ଏହି ଯୋଡ଼ିଙ୍କ ପ୍ରେମ କାହାଣୀ ନୃତ୍ୟରୁ ଆରମ୍ଭ ହୋଇଥିଲା। ଲକ୍ଡାଉନ୍ ସମୟରେ ଉଭୟ ପରସ୍ପରର ନିକଟତର ହୋଇଥିଲେ। ଏକାଠି ନାଚୁ ନାଚୁ ଦୁହେଁ ବିବାହ କରିବାକୁ ନିଷ୍ପତ୍ତି ନେଇଥିଲେ। ଏହି ବିବାହ ବେଶ ଧୁମ୍ଧାମ୍ରେ ହୋଇଥିଲା।
