ଦୁବାଇ, ୧୭।୧୦: ଚଳିତ ଆଇପିଏଲ୍ରେ ଶନିବାର ଖେଳାଯାଇଥିବା ପ୍ରଥମ ମୁକାବିଲାରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ମୁକାବିଲା ରାଜସ୍ଥାନ ରୟାଲ୍ ସହ ହୋଇଛି। ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ରାଜସ୍ଥାନ ୬ ଉଇକେଟ୍ ହରାଇ ୧୭୭ ରନ ସଂଗ୍ରହ କରିଛି। ତେବେ ମ୍ୟାଚ୍ରେ ବାଙ୍ଗାଲୋର ସ୍ପିନର ୟୁଜବେନ୍ଦ୍ର ଚହଲଙ୍କ କମାଲ ଦେଖିବାକୁ ମିଳିଥିଲା। ସେ ଲଗାତର ୨ଟି ବଲରେ ରାଜସ୍ଥାନର ୨ଜଣ ବ୍ୟାଟ୍ସମ୍ୟାନଙ୍କୁ ପ୍ୟାଭିଲିୟନ ପଠାଇବାରେ ସଫଳ ହୋଇଥିଲେ। ତେବେ ଏଥିପୂର୍ବରୁ ଚହଲଙ୍କ ଭାବି ସ୍ତ୍ରୀ ଧନଶ୍ରୀ ବର୍ମା ୟୁଏଇରେ ପହଞ୍ଚି ତାଙ୍କ ଖୁସି ଦ୍ୱିଗୁଣିତ କରିଦେଇଥିଲେ।
https://twitter.com/pant_fc/status/1317420135330689025
ସମୟରେ ଚହଲ ପ୍ରତିପକ୍ଷ ଟିମ୍ର ବ୍ୟାଟ୍ସମ୍ୟାନଙ୍କୁ ଅଡ଼ୁଆରେ ପକାଇଥିଲେ, ସେହି ସମୟରେ ଧନଶ୍ରୀ ଷ୍ଟାଡିୟମରେ ଉପସ୍ଥିତ ରହିଥିଲେ। ଧନଶ୍ରୀ ଷ୍ଟାଣ୍ଡ୍ରେ ଉପସ୍ଥିତ ରହି ଚହଲ ଉଇକେଟ୍ ନେବା ସମୟରେ କରତାଳି ଦେଇ ତାଙ୍କୁ ଉତ୍ସାହିତ କରୁଥିବାର ଦେଖିବାକୁ ମିଳିଛି। ରାଜସ୍ଥାନ ଇନିଂସର ୮ମ ଓଭରର ପ୍ରଥମ ବଲରେ ଚହଲଙ୍କ ପ୍ରଥମ ଶିକାର ବନିଥିଲେ ରବିନ୍ ଉଥପ୍ପା। ସେ ୨୨ ବଲରୁ ୪୧ ରନ କରି ଷ୍ଟିଭ ସ୍ମିଥଙ୍କୁ କ୍ୟାଚ୍ ଦେଇ ଆଉଟ୍ ହୋଇଥିଲେ। ଏହାପର ବଲରେ ଚହଲ ଫର୍ମରେ ଥିବା ସଞ୍ଜୁ ସାମସନଙ୍କୁ ମଧ୍ୟ ପ୍ୟାଭିଲିୟନ ପଠାଇ ଦେଇଥିଲେ। ଏଠାରେ ଉଲ୍ଲେଖଯୋଗ୍ୟ, ୨ ମାସ ତଳେ ଧନଶ୍ରୀ ବର୍ମାଙ୍କ ସହିତ ଚହଲଙ୍କ ନିର୍ବନ୍ଧ ଅନୁଷ୍ଠିତ ହୋଇଥିଲା। ଧନଶ୍ରୀ ପେଶାରେ ଜଣେ ଦାନ୍ତ ଡାକ୍ତର ଏବଂ ଏଥିସହ ସେ ମଧ୍ୟ ଜଣେ କୋରିଓଗ୍ରାଫର। ତାଙ୍କର ୟୁ ଟ୍ୟୁବରେ ଏକ ଚ୍ୟାନେଲ ରହିଛି।
