ସୁନାବେଡ଼ା/ ସେମିଳିଗୁଡ଼ା, ୧୫।୫ (ସ୍ବ.ପ୍ର.): ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ୨୬ ନଂ. ଜାତୀୟ ରାଜପଥଠାରୁ ଗୋପାଳପୁଟ ଗ୍ରାମ ପର୍ଯ୍ୟନ୍ତ ନିର୍ମାଣ ହୋଇଥିବା କଂକ୍ରିଟ୍ ରାସ୍ତା ଉପରେ ପିଚୁ ପକାଇ ଅର୍ଥ ହଡ଼ପ କରିବା ସମ୍ପର୍କିତ ଏକ ଖବର ଗତ ଏପ୍ରିଲ ୯ରେ ଧରିତ୍ରୀରେ ପ୍ରକାଶ ପାଇଥିଲା। ଏହାର ଶୀର୍ଷକ ଥିଲା ‘ଭଲ ରାସ୍ତାକୁ ଖରାପ କରିଦେଲେ’। ଏହି ଖବର ପ୍ରକାଶ ପାଇବା ପରେ ବିଳମ୍ବରେ ହେଲେ ମଧ୍ୟ ପ୍ରଶାସନ ତତ୍ପରତା ଦେଖାଇଛି। ପ୍ରଶାସନ ପକ୍ଷରୁ କଂକ୍ରିଟ୍ ରାସ୍ତା ଉପରେ ପକାଯାଇଥିବା ପିଚୁ ଛଡ଼ାଇ ଦିଆଯାଇଛି। ଫଳରେ ଏହି ରାସ୍ତା ପୂର୍ବ ଅବସ୍ଥାକୁ ଫେରି ଆସିଛି।