ରଘୁନାଥପୁର,୩୦ା୧୦(ଡି.ଏନ.ଏ.): ତିର୍ତ୍ତୋଲ ଉପନିବାର୍ଚନ ପାଇଁ ଜମୁଛି ପ୍ରଚାର। ନିଜ ଦଳ ସପକ୍ଷରେ ଭୋଟ୍ ଭିକ୍ଷା କରିବା ପାଇଁ ବିଧାୟକ, ମନ୍ତ୍ରୀ ଏବେ ତିର୍ତ୍ତୋଲ ଅଞ୍ଚଳରେ ଡେରା ପକାଇଛନ୍ତି। ଏହିକ୍ରମରେ ଶୁକ୍ରବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦଳୀୟ ପ୍ରାର୍ଥୀ ରାଜକିଶୋର ବେହେରାଙ୍କ ପାଇଁ ପ୍ରଚାର କରିବାକୁ ଆସୁଛନ୍ତି। ଧର୍ମେନ୍ଦ୍ର ନିର୍ବାଚନମଣ୍ଡଳୀରେ ରୋଡ୍ ଶୋ’ କରି ରାଜକିଶୋରଙ୍କ ପାଇଁ ଭୋଟ୍ ଭିକ୍ଷା କରିବେ। ଏଥିନିମନ୍ତେ ଭାଜପା ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି। ବିଭିନ୍ନ ସ୍ଥାନରେ ପୋଷ୍ଟର, ବ୍ୟାନର ଲଗାଯାଇ କେନ୍ଦ୍ରମନ୍ତ୍ରୀଙ୍କୁ ସ୍ବାଗତ, ସମ୍ବର୍ଦ୍ଧନା ଜଣାଇବା ପାଇଁ କର୍ମୀ ଦିନରାତି ଏକ କରିଛନ୍ତି। କେନ୍ଦ୍ରମନ୍ତ୍ରୀ ପ୍ରଧାନ ପୂର୍ବାହ୍ନ ୧୦ଟାରେ କୃଷ୍ଣାନନ୍ଦପୁରଠାରେ ପହଞ୍ଚତ୍ ତିର୍ତ୍ତୋଲ ବ୍ଲକ ଅଭିମୁଖେ ଯିବେ। ପୂର୍ବାହ୍ନ ୧୧ଟାରେ ରଘୁନାଥପୁର ବ୍ଲକ ନାଲିବାର, ଜଇପୁର, ତାରପୁର ଓ ରଘୁନାଥପୁର ବଜାର ଦେଇ ବିରିଡି ବ୍ଲକ ଅଭିମୁଖେ ରୋଡ୍ ଶୋ’ରେ ଯିବାକୁ ସ୍ଥିର ହୋଇଥିବା ଜିଲା ପରିଷଦ ସଭ୍ୟ ଅଶୋକ ମହାରଣା ସୂଚନା ଦେଇଛନ୍ତି। ସୂଚନାଯୋଗ୍ୟ, ଏବେ ରାଜକିଶୋର ଘରକୁ ଘର ଯାଇ ସାଧାରଣ ଜନତାଙ୍କୁ ନିଜ ସପକ୍ଷରେ ଆଣିବା ପାଇଁ ଉଦ୍ୟମ ଜାରି ରଖିଛନ୍ତି।