ଢେଙ୍କାନାଳ ଅଫିସ, ୧୮।୧୨: ଢେଙ୍କାନାଳ ଜିଲା ନିହଲପ୍ରସାଦ ଥାନା ଝଙ୍କିରା ଗ୍ରାମରେ ଚନ୍ଦନ ସାହୁଙ୍କ ୩ ବର୍ଷର ଶିଶୁପୁତ୍ର କାଳିଆ ଓରଫ ଆୟୁଷ ସାହୁ ହତ୍ୟା ମାମଲାର ପର୍ଦ୍ଦାଫାସ ହୋଇଛି। ଏହି ଘଟଣାରେ ମୃତ କାଳିଆଙ୍କ ସମ୍ପର୍କୀୟ ଖୁଡି ଭାରତୀ ସାହୁ (୨୭)ଙ୍କୁ ପୋଲିସ ଶୁକ୍ରବାର ଗିରଫକରି କୋର୍ଟଚାଲାଣ କରିଛି। ପାରିବାରିକ ଶତ୍ରୁତାରୁ କାଳିଆଙ୍କୁ ଶ୍ୱାସରୁଦ୍ଧ କରି ହତ୍ୟା କରିବାପରେ ତାକୁ କୁଅରେ ପକାଇ ଦେଇଥିବା ଭାରତୀ ପୋଲିସ ନିକଟରେ ସ୍ବୀକାର କରିଥିବା ସଦର ଏସ୍ଡିପିଓ ଶ୍ରୀହର୍ଷ ମିଶ୍ର ସୂଚନା ଦେଇଛନ୍ତି। ଭାରତୀକୁ କାଳିଆର ବାପା ଚନ୍ଦନ ଖରାପ ଆଚରଣ କରୁଥିଲେ ବୋଲି ସେ ପୋଲିସ ନିକଟରେ ପ୍ରକାଶ କରିଛନ୍ତି।
ପ୍ରକାଶଥାଉକି, ଗତ ବୁଧବାର ସନ୍ଧ୍ୟାରେ ଶିଶୁପୁତ୍ର କାଳିଆ ନିଖୋଜ ହେବା ପରେ ବିଳମ୍ବିତ ରାତିରେ ତାର ମୃତଦେହ ଘର ନିକଟସ୍ଥ ଏକ କୂଅରୁ ଉଦ୍ଧାର କରାଯାଇଥିଲା।