ଡେଙ୍କାନାଳ ଅଫିସ୍,୧୮।୪: ଉନ୍ନତ ଭିତ୍ତିଭୂମି, ଶିକ୍ଷାଦାନରେ ଗୁଣବତ୍ତା, କର୍ମଶାଳା, ପାଠଚକ୍ର, ପରୀକ୍ଷାଫଳ, ପରିବେଶ ଆଦିକୁ ନେଇ ଏଜୁକେଶନ ଓ୍ବାଲର୍ଡ ପକ୍ଷରୁ ସର୍ବଭାରତୀୟସ୍ତରରେ ସ୍ବୟଂଶାସିତ ମହାବିଦ୍ୟାଳୟଗୁଡ଼ିକର ର଼୍ୟାଙ୍କିଙ୍ଗ କରାଯାଇଥିବାବେଳେ ଢେଙ୍କାନାଳ ସ୍ବୟଂଶାସିତ ମହାବିଦ୍ୟାଳୟ ଦେଶର ୩୩ ତମ ସ୍ଥାନରେ ରହିଛି। ଏହି ର଼୍ୟାଙ୍କିଙ୍ଗର ୨୨ ତମ ସ୍ଥାନରେ ଫକୀର ମୋହନ ସ୍ବୟଂଶାସିତ ମହାବିଦ୍ୟାଳୟ ବାଲେଶ୍ୱର, ୨୪ତମ ସ୍ଥାନରେ ଶୈଳବାଳା ମହିଳା ମହାବିଦ୍ୟାଳୟ କଟକ, ୨୬ ତମ ସ୍ଥାନରେ ସାମନ୍ତ ଚନ୍ଦ୍ରଶେଖର ସ୍ବୟଂଶାସିତ ମହାବିଦ୍ୟାଳୟ ପୁରୀ, ୩୩ ତମ ସ୍ଥାନରେ ଢେଙ୍କାନାଳ ସ୍ବୟଂ ଶାସିତ ମହାବିଦ୍ୟାଳୟ, ୩୭ ତମ ସ୍ଥାନରେ ବିଜେବି ସ୍ବୟଂଶାସିତ ମହାବିଦ୍ୟାଳୟ ଭୁବନେଶ୍ୱର ରହିଥିବା ଜଣାପଡିଛି। ତେବେ ରାଜ୍ୟ ର଼୍ୟାଙ୍କିଙ୍ଗରେ ଢେଙ୍କାନାଳ ସ୍ବୟଂ ଶାସିତ ମହାବିଦ୍ୟାଳୟ ଗୋଟିଏ ସ୍ଥାନ ତଳକୁ ଖସିଛି। ୨୦୨୨-୨୦୨୩ ଶିକ୍ଷାବର୍ଷରେ ଢେଙ୍କାନାଳ ସ୍ବୟଂଶାସିତ ମହାବିଦ୍ୟାଳୟ ୩ୟ ସ୍ଥାନରେ ରହିଥିବା ବେଳେ୨୦୨୩- ୨୦୨୪ ଶିକ୍ଷାବର୍ଷରେ ଏହି ସ୍ବୟଂଶାସିତ ମହାବିଦ୍ୟାଳୟକୁ ୪ର୍ଥ ସ୍ଥାନ ମିଳିଛି ବୋଲି ମହାବିଦ୍ୟାଳୟର ପ୍ରଶାସନିକ ଅଧିକାରୀ ଡ. ଦେବାଶିଷ ମହାନ୍ତି ସୂଚନା ଦେଇଛନ୍ତି।
