ଢେଙ୍କାନାଳ ଅଫିସ,୨୦ା୧୨: ଉତ୍ତରପ୍ରଦେଶର ବନାରସ ହିନ୍ଦୁ ବିଶ୍ୱବିଦ୍ୟାଳୟଠାରେ ଆସନ୍ତା ୨୦ରୁ ୨୪ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ସର୍ବଭାରତୀୟ ବିଶ୍ୱବିଦ୍ୟାଳୟସ୍ତରୀୟ ମହିଳା ହକି ପ୍ରତିଯୋଗିତା ପାଇଁ ଓଡ଼ିଶାର ଉତ୍କଳ ବିଶ୍ୱବିଦ୍ୟାଳୟ ଦଳ ଟ୍ରେନ୍ ଯୋଗେ ବନାରସ ଯାତ୍ରା କରିଛନ୍ତି। ୟୁପି ଗସ୍ତରେ ଯାଇଥିବା ହକି ଦଳରେ ଢେଙ୍କାନାଳର ୧୦ ଜଣ ମହିଳା ଖେଳାଳି ସ୍ଥାନ ପାଇଛନ୍ତି। ତନ୍ମଧ୍ୟରେ ଢେଙ୍କାନାଳ ସ୍ବୟଂଶାସିତ ମହାବିଦ୍ୟାଳୟର ୪ଜଣ, ଓଡାପଡା ପଞ୍ଚାୟତ ସମିତି ମହାବିଦ୍ୟାଳୟର ଜଣେ ଓ ପାରିମାଳ ଡିଗ୍ରୀ ମହାବିଦ୍ୟାଳୟର ୫ଜଣ ଖେଳାଳି ଅନ୍ତର୍ଭୁକ୍ତ। କୋଚ୍ ଭାବେ ବାବୁଲା ପ୍ରସାଦ ମହାନ୍ତି ଓ ସାଇ ପ୍ରସାଦ ଦଳେଇ ଦଳକୁ ପ୍ରଶିକ୍ଷଣ ଦେଉଥିଲେ।