ନୂଆଦିଲ୍ଲୀ,୨୨।୧୧ : ଧାର୍ମିକ ପ୍ରଚାରକ ଆଚାର୍ଯ୍ୟ ଧିରେନ୍ଦ୍ର ଶାସ୍ତ୍ରୀ, ବାଗେଶ୍ୱର ନାମରେ ଜଣାଶୁଣା, ସନ୍ଥ ତୁକାରାମଙ୍କ ଉପରେ ଦେଇଥିବା ଅଭିଯୋଗ ପାଇଁ ବୁଧବାର ବିନା ସର୍ତ୍ତରେ କ୍ଷମା ପ୍ରାର୍ଥନା କରିଛନ୍ତି। ତାଙ୍କର ଏହି ମନ୍ତବ୍ୟ ମହାରାଷ୍ଟ୍ରର ୱାର୍କରୀ ସମ୍ପ୍ରଦାୟର ଏକ ବଡ଼ ବର୍ଗକୁ ଅସନ୍ତୋଷ କରିଥିଲା ।
ବୁଧବାର ଶେଷ ହେବାକୁ ଥିବା ସଙ୍ଗମୱାଡିରେ ଚାଲିଥିବା ତିନି ଦିନିଆ ଧର୍ମ ଉପଦେଶରେ ତାଙ୍କ ସ୍ବେଚ୍ଛାସେବୀ ତଥା ସନ୍ଥ ତୁକାରାମଙ୍କ ଅନୁଗାମୀମାନଙ୍କ ମଧ୍ୟରେ ମୁହାଁମୁହିଁ ହେବାର ଗୋଟିଏ ଦିନ ପରେ ବାଗେଶ୍ୱର ଧାମର ଆଚାର୍ଯ୍ୟ ଧିରେନ୍ଦ୍ର ଶାସ୍ତ୍ରୀ କ୍ଷମା ପ୍ରାର୍ଥନା କରିଛନ୍ତି। ନିକଟରେ ତାଙ୍କ ବିବୃତ୍ତିର ଏକ ଭିଡିଓ ଭାଇରାଲ ହେବା ପରେ ବାଗେଶ୍ୱର କହିଛନ୍ତି ମୋର ସନ୍ଥ ତୁକାରାମଙ୍କ ପ୍ରତି ମୋର ଗଭୀର ସମ୍ମାନ ରହିଛି। ଯଦି ମୋର ପୂର୍ବ ମନ୍ତବ୍ୟ ଅଜାଣତରେ କାହାକୁ ଆଘାତ ଦେଇଛି, ମୁଁ ସେଥିପାଇଁ ଦୁଃଖିତ।
ସେ କହିଥିଲେ ଦେହୁ ରୋଡରେ ଥିବା ସନ୍ଥ ତୁକାରାମଙ୍କର ଐତିହାସିକ ସମାଧୀଠାରେ ସେ ପ୍ରାୟ ୪୦୦ ବର୍ଷ ପୂର୍ବେ ରହି ପ୍ରଚାର କରିଥିଲେ। ତାଙ୍କ ଦିବ୍ୟ ଦରବାର ଏବଂ ହନୁମାନ କଥାରେ ପ୍ରଚାରକଙ୍କ ମନ୍ତବ୍ୟକୁ ଭୀମ ସେନା ତଥା ଅନ୍ୟାନ୍ୟ ସଂଗଠନ ଦ୍ୱାରା କଳା ପତାକା, ସ୍ଲୋଗାନ ଦିଆଯାଇ ବିରୋଧ କରାଯାଇଥିଲାବେଳେ ତର୍କବାଦୀସଂଗଠନ ମହାରାଷ୍ଟ୍ର ଅନ୍ଧବିଶ୍ୱାସନିର୍ମଲୋନ ସମିତି ପକ୍ଷରୁଦାବିକୁ ବିରୋଧ କରାଯାଇଥିଲା। ଏନେଇ ସଂଗଠନ ପକ୍ଷରୁ ପୁଣେ ପୋଲିସ କମିଶନରଙ୍କୁ ଏକ ଚିଠି ଲେଖାଯାଇଛି।