ନୂଆଦିଲ୍ଲୀ,୨୧।୩: ଆଇପିଏଲ ୨୦୨୪ ଆରମ୍ଭର ଠିକ ପୂର୍ବରୁ ଚେନ୍ନାଇ ସୁପର କିଙ୍ଗ୍ସ ଏକ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଇଛି। ଇଣ୍ଡିଆନ ପ୍ରିମିୟର ଲିଗ ର ୧୭ତମ ସିଜନ ପାଇଁ ସିଏସକେ ଦଳର କ୍ୟାପେଟେନ ଋତୁରାଜ ଗାୟକୱାଡ ହୋଇଛନ୍ତି। ଏହାର ଅର୍ଥ ଏମଏସ ଧୋନି ଚଳିତ ସିଜନରେ ଚେନ୍ନାଇର ଅଧିନାୟକ ନଜର ଆସିବେ ନାହିଁ। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ଚେନ୍ନାଇକୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ସାମ୍ନା କରିବାକୁ ପଡିବ। ଆଇପିଏଲର ଅଫିସିଆଲ ସୋସିଆଲ ମିଡିଆ ହ୍ୟାଣ୍ଡେଲରୁ ଏହା ନିଶ୍ଚିତ ହୋଇଛି। ଏମଏସ ଧୋନିଙ୍କ ଅଧିନାୟକତ୍ୱରେ ସିଏସକେ ୫ ଥର ଆଇପିଏଲ ଟାଇଟଲ ଜିତିଛି। ଧୋନି ୨୦୨୨ପୂର୍ବରୁ ସିଏସକେର ଅଧିନାୟକତ୍ୱ ଛାଡିଥିଲେ। ଯେତେବେଳେ ଫ୍ରାଞ୍ଚାଇଜ ରବିନ୍ଦ୍ର ଜାଡେଜାଙ୍କୁ ଅଧିନାୟକ କରିଥିଲା, ତାଙ୍କ ନେତୃତ୍ୱରେ ସିଏସକେ କ୍ରମାଗତ ଅନେକ ମ୍ୟାଚ ହାରିଗଲା, ଏହା ପରେ ଧୋନିଙ୍କୁ ପୁଣି ଟୁର୍ନାମେଣ୍ଟ ମଝିରେ ଅଧିନାୟକ କରାଗଲା।
ଆପିଏଲ ୨୦୨୪ ଶୁକ୍ରବାର (୨୨ ମାର୍ଚ୍ଚ)ରୁ ଆରମ୍ଭ ହେଉଛି। ଉଦଘାଟନୀ ମ୍ୟାଚର ଗୋଟିଏ ଦିନ ପୂର୍ବରୁ ଚେନ୍ନାଇରେ ଆୟୋଜିତ ପ୍ରି-ଆଇପିଏଲ କ୍ୟାପଟେନ୍ସ କନକ୍ଲେଭରେ ସିଏସକେ ଋତୁରାଜ ଗାୟକୱାଡଙ୍କୁ ଅଧିନାୟକ ଭାବରେ ଉପସ୍ଥାପନ କରିଥିଲେ। ସିଏସକେରେ ଏହି ପରିବର୍ତ୍ତନ ହଠାତ୍ ଘଟିଛି। ଯାହାକୁ କେହି ଏହା ଆଶା କରି ନ ଥିଲେ। ତଥାପି, ଏମଏସ ଧୋନି ସବୁବେଳେ ଆଶ୍ଚର୍ଯ୍ୟଜନକ ନିଷ୍ପତ୍ତି ନେଉଛନ୍ତି। ଧୋନି ପୁଣି ଥରେ ଅଧିନାୟକତ୍ୱ ଛାଡି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି।
ମାର୍ଚ୍ଚ ୪ରେ ସୋସିଆଲ ମିଡିଆରେ ଏମଏସ ଧୋନି ଏକ କ୍ରିପ୍ଟିକ ପୋଷ୍ଟ କରିଥିଲେ। ସେ ଲେଖିଛନ୍ତି ଯେ ସେ ଆଉ ନୂଆ ସିଜନ ଏବଂ ନୂଆ ଭୂମିକା ପାଇଁ ଅପେକ୍ଷା କରିପାରିବେ ନାହିଁ । ତାଙ୍କ ପୋଷ୍ଟର ଦୁଇ ସପ୍ତାହ ପରେ ଧୋନି ଯାହା ପ୍ରକାଶ କରିବାକୁ ଚାହୁଁଛନ୍ତି ତାହା ଜଣା ପଡିଛି। ଫ୍ରାଞ୍ଚାଇଜ ମଧ୍ୟ ଏହାକୁ ଆନୁଷ୍ଠାନିକ ଭାବେ ନିଶ୍ଚିତ କରିଛନ୍ତି।
OFFICIAL STATEMENT: MS Dhoni hands over captaincy to Ruturaj Gaikwad. #WhistlePodu #Yellove
— Chennai Super Kings (@ChennaiIPL) March 21, 2024
