ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସହ ଘଟିଥିବା ଏକ ମଜାଦାର ଘଟଣାକୁ ଶେୟାର କରିଛନ୍ତି ଟିମ ଇଣ୍ଡିଆ ଫାଷ୍ଟ ବୋଲର ଇଶାନ୍ତ ଶର୍ମା। ଏକ ଶୋ’ରେ ସେ କହିଛନ୍ତି ଯେ ଥରେ ଧୋନୀ ତାଙ୍କ ବୟସ ପାଇଁ ତାଙ୍କୁ ପରିହାସ କରିଥିଲେ। ମୋ ବୟସ ୩୨ ବର୍ଷ, କିନ୍ତୁ ମୋତେ ବୃଢା କୁହନ୍ତି ମୋ ସ୍ତ୍ରୀ। ଧୋନୀ ଭାଇ ମେସେଜ କଲେ କୁହନ୍ତି, ଆରେ ବୁଢା, କ’ଣ କରୁଛ? ଇଶାନ୍ତ ଆହୁରି ମଧ୍ୟ କହିଛନ୍ତି ଯେ, ମୁଁ ଧୋନୀ ଭାଇଙ୍କୁ କୁଏ ମୋର ବୟସ ୩୨ ବର୍ଷ। ସେ କୁହନ୍ତି ଯେ ତୁମର ବୟସ ୩୨, କିନ୍ତୁ ତୁମର ଶରୀର ୫୨ ବର୍ଷ ଭଳି ଲାଗୁଛି। ଇଶାନ୍ତ ଶର୍ମା ହେଉଛନ୍ତି ଭାରତର ସବୁଠାରୁ ଅଭିଜ୍ଞ ଦ୍ରୁତ ବୋଲର। ୨୦୦୭ ରେ ରାହୁଲ ଦ୍ରାବିଡଙ୍କ ଅଧିନାୟକତ୍ୱରେ ଇଶାନ୍ତ ଶର୍ମା ଆନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ। ଟେଷ୍ଟ କ୍ରିକେଟରେ ୩୦୦ ଉଇକେଟ ନେବାରେ ସେ ମାତ୍ର ୩ ଉଇକେଟ୍ ଦୂରରେ ଅଛନ୍ତି। ଭାରତ ପାଇଁ ଟେଷ୍ଟ କ୍ରିକେଟରେ ଇଶାନ୍ତ ଶର୍ମା ୨୯୭, ଏକଦିବସୀୟ ମ୍ୟାଚରେ ୧୧୫ ଏବଂ ଟି -୨୦ ଇଣ୍ଟରନ୍ୟାସନାଲରେ ୮ ଉଇକେଟ ନେଇଛନ୍ତି।
