ଶାରଜା,୧।୧୦: ଆଇପିଏଲ ୨୦୨୧ର ୪୪ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ ସନରାଇଜର୍ସ ହାଇଦ୍ରାବାଦକୁ ୬ଟି ଉଇକେଟରେ ପରାସ୍ତ କରିଛି।ଏହି ବିଜୟ ସହିତ ମହେନ୍ଦ୍ର ସିଂ ଧୋନୀଙ୍କ ସିଏସକେ ଚଳିତ ସିଜିନର ପ୍ଲେ ଅଫରେ ସ୍ଥାନ ପାଇବାରେ ପ୍ରଥମ ଦଳ ହୋଇପାରିଛି। ଧୋନୀ ସିଏସକେର ବିଜୟରେ ଧୋନୀ ଚମକି ଥିଲେ। ଶେଷ ଓଭରରେ ଜିତିବା ପାଇଁ ସିଏସକେକୁ ୬ଟି ବଲରେ ୩ ରନ ଆବଶ୍ୟକ ଥିଲା। ସିଦ୍ଧାର୍ଥ କୌଲ ସନରାଇଜର୍ସ ହାଇଦ୍ରାବାଦ ପାଇଁ ଏହା ବୋଲିଂ କରିଥିଲେ। ଓଭରର ଚତୁର୍ଥ ବଲରେ ଧୋନୀ ମିଡଉଇକେଟ ଛକା ମାରିଥିତ୍ଲେ। ୨୦୧୧ ବିଶ୍ୱକପ ଫାଇନାଲ ପରି ଏହି ଛକା ସହିତ ଦଳ ବିଜୟ ଲାଭ କରିଥିଲା ଏବଂ ୧୧ଥର ପ୍ଲେ ଅଫରେ ସ୍ଥାନ ନିଶ୍ଚିତ ହୋଇଥିଲା। ଏହି କାରଣରୁ ପ୍ରଶଂସକଙ୍କ ଖୁସିର କୌଣସି ସୀମା ନ ଥିଲା।
ଧୋନୀଙ୍କ ଏହି ଛକାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା॥ ଜଣେ ପ୍ରଶଂସକ ଧୋନିଙ୍କ ଆଇପିଏଲ ୨୦୨୦ର ପୁରୁଣା ଟୁଇଟ୍ କରି ଶେୟାର କରି ଲେଖିଛନ୍ତି ଯେ, ସେତେବେଳେ ଧୋନୀ କହିଥିଲେ ଯେ, ଆମେ ଏକ ଦୃଢ ପ୍ରତ୍ୟାବର୍ତ୍ତନ କରିବୁ। ଏହା ଆମର ପରିଚୟ ଏବଂ ଆଜି ଏହା ପ୍ରମାଣିତ ହୋଇଛି। ଧୋନୀଙ୍କ ୬ରେ ହର୍ଷ ଭୋଗଲ ଟୁଇଟ୍ କରି ଲେଖିଛନ୍ତି ଯେ ଧୋନୀ ଏବଂ ଛକାରେ ମ୍ୟାଚ ଶେଷ, କାହାଣୀ ଏପର୍ଯ୍ୟନ୍ତ ଶେଷ ହୋଇନାହିଁ .. । ଧୋନୀଙ୍କ ଦଳ ପ୍ରଥମେ ଆଇପିଏଲ ପ୍ଲେ ଅଫରେ ପହଞ୍ଚିଛି।