ଧୋନିଙ୍କ ଆଇପିଏଲ ଦରମାରୁ କଟିବ ୩ ଗୁଣା! ଏହି ନିୟମ ଯୋଗୁ ହେବ କୋଟି କୋଟି ଟଙ୍କା କ୍ଷତି

ନୂଆଦିଲ୍ଲୀ,୧୭।୮: ନିକଟରେ ବିସିସିଆଇ ଆଇପିଏଲ ଦଳ ମାଲିକଙ୍କ ସହ ଏକ ବୈଠକ କରିଥିଲା। ସେହି ବୈଠକରେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ଏମଏସ ଧୋନିଙ୍କୁ ଜଣେ ଅନକ୍ୟାପଡ ବା ଅଣସଂରକ୍ଷିତ ଖେଳାଳି ଘୋଷଣା କରାଯାଇଥିଲା। ସେତେବେଳେ ସନରାଇଜର୍ସ ହାଇଦ୍ରାବାଦ (ଏସଆରଏଚ) ମାଲିକ କାବ୍ୟା ମାରାନ ଦୃଢ ଆପତ୍ତି ଜଣାଇଥିଲେ। କିନ୍ତୁ ବର୍ତ୍ତମାନ ଧୋନିଙ୍କୁ ଜଣେ ଅଣସଂରକ୍ଷିତ ଖେଳାଳି ଘୋଷଣା କରିବା ପରେ ଏକ ବଡ ଅପଡେଟ ଆସିିଛି।

ଯଦିଓ ଏପର୍ଯ୍ୟନ୍ତ କୌଣସି ନିଶ୍ଚିତକରଣ ହୋଇନାହିଁ, କିନ୍ତୁ ରିପୋର୍ଟ ଅନୁଯାୟୀ, ବିସିସିଆଇ ପୁରୁଣା ନିୟମକୁ ଫେରାଇ ଆଣିପାରେ। ଏହି ନିୟମ ଅନୁଯାୟୀ, ଏମଏସ ଧୋନିଙ୍କୁ ଅଣସଂରକ୍ଷିତ ଖେଳାଳି ତାଲିକାରେ ରଖାଯିବ। ଏହା ମଧ୍ୟ ସ୍ପଷ୍ଟ କରିବ ଯେ ଧୋନି ନିଶ୍ଚିତ ଭାବରେ ଆଇପିଏଲ ୨୦୨୫ରେ ଖେଳୁଥିବା ଦେଖାଯିବ।
ସୂଚନାଯୋଗ୍ୟ, ଏହି ନିୟମ ପୂର୍ବରୁ ମଧ୍ୟ ବିଦ୍ୟମାନ ଥିଲା, କିନ୍ତୁ ସେତେବେଳେ ତାହା ବ୍ୟବହୃତ ହୋଇନଥିଲା। କିନ୍ତୁ ବର୍ତ୍ତମାନ ଏହାକୁ ଫେରାଇ ଆଣିବା ଉପରେ ଆଲୋଚନା ଆରମ୍ଭ ହୋଇଛି। ଧୋନି ଜଣେ କ୍ୟାପଟେଡ ଖେଳାଳି ଥିବାବେଳେ ସିଏସକେରୁ ପ୍ରତି ସିଜନରେ ୧୨କୋଟି ଟଙ୍କା ବେତନ ପାଉଥିଲେ, କିନ୍ତୁ ଯଦି ତାଙ୍କୁ ଅଣସଂରକ୍ଷିତ ଖେଳାଳି ତାଲିକାରେ ରଖାଯାଏ, ତା’ହେଲେ ତାଙ୍କ ଦରମା ୪କୋଟି ଟଙ୍କାକୁ ହ୍ରାସ ପାଇପାରେ।