ନୂଆଦିଲ୍ଲୀ,୨୮।୧୦: ଟି -୨୦ ବିଶ୍ୱକପରେ ପାକିସ୍ତାନ ବିପକ୍ଷ ପରାଜୟ ପରେ ଟିମ ଇଣ୍ଡିଆର ପ୍ରଶଂସକମାନେ ଅତ୍ୟନ୍ତ ନିରାଶ ହୋଇଛନ୍ତି। ଏହି ସମୟରେ ଟିମ ଇଣ୍ଡିଆର ପୂର୍ବତନ ଅଧିନାୟକ ତଥା ଦଳର ବର୍ତ୍ତମାନର ପରାମର୍ଶଦାତା ମହେନ୍ଦ୍ର ସିଂ ଧୋନୀଙ୍କ ଏକ ପୁରୁଣା ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓ ୫ ବର୍ଷ ପୁରୁଣା। ଭିଡିଓରେ ଧୋନୀ କହୁଛନ୍ତି ଯେ, ଆଜି ନ ହେଲେ କାଲି ଟିମ ଇଣ୍ଡିଆର ପାକିସ୍ତାନ ବିପକ୍ଷ ବିଶ୍ୱକପ ରେକର୍ଡ ନିଶ୍ଚିତ ଭାଙ୍ଗିଯିବ।
ଅନେକ ଲୋକ ତାଙ୍କ ଏହି ଭିଡିଓକୁ ସୋସିଆଲ ମିଡିଆରେ ଶେୟାର କରୁଛନ୍ତି। ଧୋନୀ ୨୦୧୬ ଟି -୨୦ ବିଶ୍ୱକପ ସମୟରେ ଏକ ଖବରଦାତା ସମ୍ମିଳନୀରେ କହିଥିଲେ, ଯଦି ଆପଣ ଗର୍ବିତ ଯେ ବିଶ୍ୱକପ୍ରେ ଆମେ ପାକିସ୍ତାନଠାରୁ ୧୧-୦ ଆଗରେ ଅଛୁ, ତେବେ ଏହା ମଧ୍ୟରେ ଗୋଟିଏ ସତ ହେଉଛି, ଆମେ ଆଜି ନହେଲେ କାଲି ନିଶ୍ଚିନ୍ତ ହାରିବା। ଆପଣ ଆଜି ହାରିବେ, ୧୦ ବର୍ଷ ପରେ ହାରିବେ, ୨୦ ବର୍ଷ ପରେ ହାରିବେ କିମ୍ବା ୫୦ ବର୍ଷ ପରେ ହାରିବେ, କିନ୍ତୁ ଏହା ହୋଇପାରିବ ନାହିଁ ଯେ ତୁମେ ସବୁବେଳେ ଜିତିବ।
ସୂଚନାଯୋଗ୍ୟ, ଧୋନୀଙ୍କ ଅଧିନାୟକତ୍ୱରେ ଟିମ ଇଣ୍ଡିଆ ବିଶ୍ୱକପରେ ପାକିସ୍ତାନ ବିପକ୍ଷରେ କେବେ ବି ହାରିନାହିଁ। ୨୦୧୬ ଟି -୨୦ ବିଶ୍ୱକପରେ ଟିମ ଇଣ୍ଡିଆ କୋଲକାତାରେ ୬ ଉଇକେଟ ନେଇ ପାକିସ୍ତାନକୁ ପରାସ୍ତ କରିଥିଲା। ରବିବାର ପାକିସ୍ତାନ ୨୯ ବର୍ଷ ପୁରୁଣା ରେକର୍ଡ ଭାଙ୍ଗିଛି। ମ୍ୟାଚ ପରେ ଧୋନୀ ଅନେକ ପାକିସ୍ତାନୀ କ୍ରିକେଟରଙ୍କୁ ମଧ୍ୟ ଭେଟିଥିବାର ନଜର ଆସିଥିଲେ।