ମୁମ୍ବାଇ, ୧୩ା୪ (ପି.ଟି.)- ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ବିପକ୍ଷ ଆଇପିଏଲ୍ ଓପନରରେ ଭାରତର ପୂର୍ବତନ ଅଧିନାୟକ ମହେନ୍ଦ୍ର ସିଂଙ୍କ ଧୋନୀଙ୍କ ଉଇକେଟ ହାସଲ ଦ୍ୱାରା ଦିଲ୍ଲୀ କ୍ୟାପିଟାଲ୍ସ ପେସ୍ ବୋଲର ଆଭେଶ ଖାଁଙ୍କ ଦୀର୍ଘ ଦିନର ସ୍ବପ୍ନ ସାକାର ହୋଇଛି। ସିଏସ୍କେ ବିପକ୍ଷରେ ଦିଲ୍ଲୀ କ୍ୟାପିଟାଲ୍ସର ୭ ଉଇକେଟ ବିଜୟ ମ୍ୟାଚ୍ରେ ଇନ୍ଦୋରର ଏହି ୨୪ ବର୍ଷୀୟ ବୋଲର ଧୋନୀ ଓ ଦକ୍ଷିଣ ଆଫ୍ରିକାର ଫାଫ୍ ଡୁ’ପ୍ଲେସିଙ୍କ ଉଇକେଟ ଅକ୍ତିଆର କରିଥିଲେ। ଆଭେଶ କହିଛନ୍ତି, ୩ ବର୍ଷ ପୂର୍ବେ ଧୋନୀଙ୍କ ଉଇକେଟ ନେବାଲାଗି ତାଙ୍କ ପାଇଁ ଏକ ସୁଯୋଗ ଥିଲା। କିନ୍ତୁ ଜଣେକେହି କ୍ୟାଚ ଡ୍ରପ୍ କରିଦେବାରୁ ସେ ବିଫଳ ହୋଇଥିଲେ। ବର୍ତ୍ତମାନ ସେ ଧୋନୀଙ୍କ ଉଇକେଟ ନେଇଥିବାରୁ ତାଙ୍କ ସ୍ବପ୍ନ ସାକାର ହୋଇପାରିଛି। କିଛିଦିନ ହେଲା ପ୍ରତିଯୋଗିତାମୂଳକ ମ୍ୟାଚ ଖେଳି ନ ଥିବାରୁ ଫ୍ରାଞ୍ଚାଇଜ୍ ପକ୍ଷରୁ ତାଙ୍କ ଉପରେ ଚାପ ପକାଯାଇଥିଲା। ବୋଧହୁଏ ଏହି କାରଣରୁ ସେ ଧୋନୀଙ୍କ ଉଇକେଟ ନେଇ ପାରିଥିଲେ। ସେ ୨୩ରନ ବିନିମୟରେ ୨ ଉଇକେଟ ଅକ୍ତିଆର କରିଥିଲେ। ଦିଲ୍ଲୀ ସିଏସ୍କେକୁ ୧୮୮/୭ରେ ସୀମିତ କରିଦେଇଥିଲା। ଦିଲ୍ଲୀ ବିଜୟ ଲକ୍ଷ୍ୟକୁ ୧୮.୪ ଓଭରରେ ହାସଲ କରିନେଇଥିଲା।