ସଲମାନ୍ ଖାନ୍ଙ୍କ ଟିଭି ଶୋ’ ‘ବିଗ୍ ବସ୍’ ଅକ୍ଟୋବର ୩ରୁ ଆରମ୍ଭ ହେବାକୁ ଯାଉଛି। ଏହି ଶୋ’ ପାଇଁ ନିର୍ମାତା ସଲମାନ୍ଙ୍କୁ ଲକି ମାନିଥାନ୍ତି। ତେଣୁ ସଲମାନ୍ ଏଥିପାଇଁ ଯେତେ ଫିସ୍ ମାଗିଥାନ୍ତି ନିର୍ମାତା ତାଙ୍କୁ ଦେବାକୁ ରାଜି ହୋଇଥାନ୍ତି। ଏହି ଶୋ’ ବର୍ତ୍ତମାନ ଆରମ୍ଭ ହୋଇନାହିଁ କିନ୍ତୁ ଏହାକୁ ନାହିଁ ଚର୍ଚ୍ଚା ଲାଗି ରହିଛି। ଏହି ସମୟରେ ସଲମାନ୍ଙ୍କୁ ନେଇ ଏକ ଖବର ସାମ୍ନାକୁ ଆସିଛି। ସଲମାନ୍ଙ୍କ ଏକ ଭୁଲ ପାଇଁ ବାପା ସଲିମ ଖାନ୍ଙ୍କର ବହୁତ କ୍ଷତି ହୋଇଥିଲା।
ପିଲାଦିନେ ସଲମାନ୍ ଏକଦା ବାପା ସଲମ୍ଙ୍କ ଟଙ୍କାରେ ନିଆଁ ଲଗାଇ ଦେଇଥିଲେ।
ଖବର ଅନୁଯାୟୀ, ଦୀପାବଳୀ ସମୟରେ ସଲମାନ୍ ଭଉଣୀ-ଭାଇଙ୍କ ସହ ମସ୍ତି କରୁଥିଲେ। ଏହି ସମୟରେ ସମସ୍ତେ ମିଶି କାଗଜ ଜଳାଉଥିଲେ। କାଗଜ ଶେଷ ହୋଇଯିବା ପରେ ସଲମାନ୍ ଆଉ କିଛି ନ ପାଇଁ ବାପାଙ୍କ ରୁମ୍କୁ ଯାଇ ଟେବୁଲ ଉପରେ ଥିବା ଟଙ୍କା ବଣ୍ଡଲକୁ ଆଣି ନିଆଁ ଲଗାଇଥିଲେ। ଭାଉ, ଭଉଣୀଙ୍କୁ ମଧ୍ୟ ଜଳାଇବା ପାଇଁ ଦେଇଥିଲେ। ସେମାନେ ପ୍ରାୟ ୭୫୦ ଟଙ୍କା ଜାଳିଦେଇଥିଲେ। ଏହା ସଲିମ୍ ଜାଣିବା ପରେ ପିଲାମାନଙ୍କ ଉପରେ ନ ରାଗି ସେମାନଙ୍କୁ ଟଙ୍କାର ମହତ୍ତ୍ୱ ବିଷୟରେ ବୁଝାଇଥିଲେ। ଏହି କଥାକୁ ସବୁଦିନ ପାଇଁ ମନେ ରଖିବେ ବୋଲି ସଲମାନ୍ ବାପାଙ୍କୁ କଥା ଦେଇଥିଲେ।