ନୂଆଦିଲ୍ଲୀ,୨୧।୫: ଟିଭିରେ ସୁଯୋଗ ମିଳିବା ପୂର୍ବରୁ ପାଖରେ ଟଙ୍କା ନ ଥିଲା। ଏପରି କି ଘରଭଡ଼ା ପାଇଁ ପ୍ରେମିକା ଟଙ୍କା ଦିଅନ୍ତି। ୨୦୦୮ରେ ଏଭଳି ଅବସ୍ଥା ଥିଲା ବୋଲି ଇନଷ୍ଟାଗ୍ରାମର ପୋଷ୍ଟ ଜରିଆରେ ସୂଚନା ଦେଇଛନ୍ତି ଟିଭିର ଜଣାଶୁଣା ଚେହେରା ମନୀଷ ପଲ।
୩୯ ବର୍ଷୀୟ ଆଙ୍କର ମନୀଷ ଶୁକ୍ରବାର ଏକ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି, ୨୦୦୮ରେ ମୋ ପାଖରେ କାମ ନ ଥିଲା। କିନ୍ତୁ ସ୍ତ୍ରୀ ତଥା ପ୍ରେମିକା ସବୁ କିଛି ସମ୍ଭାଳି ନେଇଥିଲେ। ଧୈର୍ଯ୍ୟର ସହ ଅପେକ୍ଷା କରିବାକୁ ବୁଝାଇଥିଲେ। ବର୍ଷକ ପରେ ଏକ ଟିଭି ସିରିଏଲରେ କାମ କରିବାକୁ ମିଳିଲା ସୁଯୋଗ। ତା’ ପରେ ରିଆଲିଟି ଶୋ ଓ ଆଓ୍ବାର୍ଡ ନାଇଟ୍ସରେ ମୋତେ ଆଙ୍କର ଭାବେ କାମ ମିଳିବା ଆରମ୍ଭ ହୋଇଥିଲା। ଆଉ ଏବେ ମୁଁ ସଂୟୁକ୍ତା ଓ ଛୁଆଙ୍କୁ ସମୟ ଦେଇପାରିବି। ଉଲ୍ଲେଖଯୋଗ୍ୟ, ମନୀଷ ବଲିଉଡ୍ରେ ମଧ୍ୟ ଭାଗ୍ୟ ପରୀକ୍ଷା କରିସାରିଛନ୍ତି। ତାଙ୍କ ଡେବ୍ୟୁ ଫିଲ୍ମ ଥିଲା ‘ମିକି ଭାଇରସ’।