![](https://www.dharitri.com/wp-content/uploads/2021/11/Digvijay.jpg)
ନୂଆଦିଲ୍ଲୀ,୬ ।୧୧: ଦୀପାବଳୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସେନାଙ୍କ ସହ ସୀମାରେ ଦୀପାବଳି ପାଳନ କରିଥିଲେ । ଏହି ଅବସରରେ ସେ ସେନା ପୋଷାକ ପିନ୍ଧିଥିବା ଦେଖାଯାଇଥିଲା । ଆଉ ଏବେ ଏହାକୁ ନେଇ ପ୍ରଶ୍ନ ଉଠାଇଛନ୍ତି କଂଗ୍ରେସ ନେତା ଦିଗ୍ବିଜୟ ସିଂ । ସେ କହିଛନ୍ତି ଏହା ତ ଆରମ୍ଭ ମାତ୍ର । ଯଦି ମୋଦିଙ୍କୁ ସଂସଦରେ ଆଉ ଏକ କାର୍ଯ୍ୟକଳ ମିଳିଯାଏ ତେବେ ସେ ସମ୍ବିଧାନକୁ ବଦଳାଇ ଦେବେ ଓ ନିଜକୁ ରାଷ୍ଟ୍ରର ସ୍ଥାୟୀ ମୁଖ୍ୟ ଭାବେ ଘୋଷଣା କରିଦେବେ । ଅବଶ୍ୟ ଏଥିରେ ଆଶ୍ଚର୍ଯ୍ୟ ହେବାର କିଛି ନାହିଁ । ତେବେ ଦିଗବିଜୟଙ୍କ ପ୍ରଶ୍ନର ଉତ୍ତର ଦେବାକୁ ଯାଇ ଭାରତୀୟ ଜନତା ପାର୍ଟି(ଭାଜପା) ମହାସଚିବ କୈଳାସ ବିଜୟଭର୍ଗିୟ କହିଛନ୍ତି କି ଦିଗବିଜୟ ସିଂଙ୍କୁ ଜଣା ନାହିଁ ଯେ ନାଗରିକ ସମ୍ମାନର ପ୍ରତିକ ଭାବେ ସେନା ପୋଷାକ ପିନ୍ଧି ପାରେ ବୋଲି । ଦିଗବିଜୟ ନିଜ ଟୁଇଟର ହ୍ୟାଣ୍ଡେଲରେ ଲେଖିଛନ୍ତି, ହିଟଲର ପ୍ରଥମ ବିଶ୍ୱଯୁଦ୍ଧରେ ହିଟଲର ଏକ କର୍ପୋରେଟର ଥିଲେ ଓ ସେ ନିଜକୁ ଜର୍ମାନ ସେନାର କମାଣ୍ଡର ଇନ୍ ଚିଫ୍ ଭାବେ ଘୋଷଣା କରିଥିଲେ । ଆଉ ଏବେ ମୋଦି ତାହା କରିବାକୁ ବେଶୀ ସମୟ ଲାଗିବ ନାହିଁ ବୋଲି ଶ୍ରୀ ସିଂହ କହିଛନ୍ତି ।