ଭୋପାଳ,୨୬ ।୧୨: ବରିଷ୍ଠ କଂଗ୍ରେସ ନେତା ଦିଗ୍ବିଜୟ ସିଂଙ୍କ ବିବାଦୀୟ ବୟାନକୁ ନେଇ ପୁଣି ଚର୍ଚ୍ଚା । ଏଥର ପୁଣିଥରେ ତାଙ୍କୁ ଭାରତୀୟ ଜନତା ପାର୍ଟି(ଭାଜପା) ଟାର୍ଗେଟ କରିପାରେ । ଶନିବାର ସେ କଂଗ୍ରେସର ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ବୀର ସାୱରକରଙ୍କୁ ଟାର୍ଗେଟ କରି ଏକ ବିବାଦୀୟ ବୟାନ ଦେଇଛନ୍ତି । ଦିଗ୍ବିଜୟ କହିଛନ୍ତି ସାୱରକର କେବେ ଗାଈକୁ ‘ମାଆ’ବୋଲି ମାନୁ ନ ଥିଲେ । ଗୋମାଂସ ଖାଇବାରେ ତାଙ୍କର କୌଣସି ଅସୁବିଧା ନ ଥିଲା । ଦିଗବିଜୟ ଆହୁରି ମଧ୍ୟ କହିଛନ୍ତି ସାୱରକର ତାଙ୍କ ପୁସ୍ତକରେ କହିଛନ୍ତି ହିନ୍ଦୁଧର୍ମ ଓ ହିନ୍ଦୁତ୍ୱ ମଧ୍ୟରେ କୌଣସି ସମ୍ପର୍କ ନାହିଁ । ଏହାକୁ ନେଇ ଭାଜପା ବିଧାୟକ ରାମେଶ୍ୱର ଶର୍ମା କହିଛନ୍ତି କଂଗ୍ରେସ ସର୍ବଦା ହିନ୍ଦୁଙ୍କୁ ବଦନାମ କରିଥାଆନ୍ତି । ଏଥିପାଇଁ ଦିଗ୍ବିଜୟ ତ ଦିନରାତି କସରତ କରୁଛନ୍ତି । ସେ ଆହୁରି କହିଛନ୍ତି ଦିଗବିଜୟ ଯଦି ହିନ୍ଦୁ ଓ ହିନ୍ଦୁସ୍ତାନର ମଙ୍ଗଳପାଇଁ କାମ କରୁଥାଆନ୍ତେ ତେବେ ପାକିସ୍ତାନରେ ଜିନ୍ନା ଜନ୍ମ ହୋଇ ନ ଥାଆନ୍ତେ ନା ଆତଙ୍କବାଦୀଙ୍କ ସୃଷ୍ଟି ହୋଇଥାଆନ୍ତା । ଦିଗବିଜୟଙ୍କ ପାଇଁ ଆତଙ୍କବାଦୀ ହେଉଛନ୍ତି ଭଗବାନ । ଦେଶଦ୍ରୋହୀଙ୍କୁ ସେ ବିରିୟାନି ଖାଇବାକୁ ଦେଇ ଉପହାର ଦେଇଥାଆନ୍ତି ।
