ମୁମ୍ବାଇ: ବଲିଉଡ୍ ନାୟକ ସୁଶାନ୍ତ ସିଂ ରାଜପୁତଙ୍କ ଅଭିନୀତ ଶେଷ ଫିଲ୍ମ ‘ଦିଲ୍ ବେଚାରା’ର ଟାଇଟେଲ ଟ୍ରାକ୍ ରିଲିଜ୍ ହୋଇସାରିଛି। ଆଉ ଏହା ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଗୋଟିଏ ଦିନ ପୂର୍ବରୁ ଏହାର ଟିଜର ରିଲିଜ୍ ହୋଇଥିବା ବେଳେ ଏବେ ଏହାର ଟାଇଟେଲ୍ ଟ୍ରାକ୍ ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଏହା ସୁଶାନ୍ତଙ୍କ ଜୀବନର ଶେଷ ଫିଲ୍ମ ହୋଇଥିବାରୁ ଦର୍ଶକେ ଏହାର ଟାଇଟେଲ ଟ୍ରାକ୍ ଦେଖିବା ପରେ ଇମୋଶନାଲ ହୋଇଯାଇଛନ୍ତି। ଏହି ଗୀତକୁ ଫରହା ଖାଁ କୋରିଓଗ୍ରାଫ କରିଥିବା ବେଳେ ଏହାକୁ ଦେଖି ଦର୍ଶକେ ସୋସିଆଲ ମିଡିଆରେ ସୁଶାନ୍ତଙ୍କ ଟ୍ୟାଲେଣ୍ଟର ପ୍ରଶଂସା କରି ଚାଲିଛନ୍ତି। ସୁଶାନ୍ତ ଓ ସଞ୍ଜନାଙ୍କ ଅଭିନୀତ ଏହି ଗୀତଟି ଫାଷ୍ଟ ଟେକ୍ରେ ହିଁ ଓକେ ହୋଇଥିବା କୁହାଯାଏ। ଏହାସହ ଏହି ଗୀତ ପାଇଁ କୋରିଓଗ୍ରାଫର ଫରହା ଖାଁ କୁହାଡେ ଆଦୌ କୌଣସି ପାରିଶ୍ରମିକ ନେଇ ନାହାନ୍ତି। ଏହାକୁ ଏଆର୍ ରହମାନ, ସଞ୍ଜନା ସାନ୍ଧିଙ୍କ ସମେତ ଆହୁରି କେତେଜଣ ସେଲିବ୍ରିଟି ଟୁଇଟ୍ କରିଛନ୍ତି। ଟୁଇଟରରେ ଏହାକୁ ଜବରଦସ୍ତ ରେସ୍ପନ୍ସ ମିଳୁଥିବା ବେଳେ ସୁଶାନ୍ତଙ୍କ ଡ୍ୟାନ୍ସକୁ ଖୁବ୍ ପସନ୍ଦ କରିଛନ୍ତି ଦର୍ଶକେ। ଫିଲ୍ମର ସମସ୍ତ ଗୀତକୁ ରହେମାନ କମ୍ପୋଜ କରିଛନ୍ତି।