ବଲିଉଡ୍ର ଭେଟେରାନ ଅଭିନେତା ଦିଲୀପ କୁମାର ବର୍ତ୍ତମାନ ସମସ୍ତଙ୍କ ପାଇଁ ସ୍ମୃତି ହୋଇ ରହିଯାଇଛନ୍ତି। ଚଳିତ ବର୍ଷ ଜୁଲାଇ ୭ରେ, ସେ ଏହି ଦୁନିଆ ଛାଡ଼ି ଆରପାରିକୁ ଚାଲିଯାଇଥିଲେ। ହେଲେ ସେ ଏପରି କିଛି କଥା ଛାଡ଼ି ଯାଇଥିଲେ, ଯାହାକୁ ଲୋକେ ଆଜିବି ମନେ ପକାନ୍ତି। ଅକ୍ଟୋବର ୧୧ରେ ଦିଲୀପ ସାଇରା ବାନୁଙ୍କୁ ବିବାହ କରିଥିଲେ। ହେଲେ କୁହାଯାଏ, ସାଇରା ମାତ୍ର ୧୨ ବର୍ଷ ବୟସରେ ଦିଲୀପଙ୍କ ପ୍ରେମରେ ପଡିଥିଲେ। ସେ ଭାବିଥିଲେ ଦିନେ ସେ ତାଙ୍କୁ ନିଜର କରିବେ। ଏପରିକି ଦିଲୀପ ହୁଏତ ଜାଣି ନଥିଲେ, କେହି ଜଣେ ଝିଅ ତାଙ୍କୁ ଅପେକ୍ଷା କରିଛି। କିନ୍ତୁ ଫିଲ୍ମ ସ୍କ୍ରିନରେ ଦିଲୀପ ସାଇରାଙ୍କ ସହ କାମ କରିବାକୁ ମନା କରିଦେଇଥିଲେ।
ଫିଲ୍ମ ‘ଆନ’ ଦେଖିବା ପରେ ସାଇରା ଦିଲୀପଙ୍କ ପ୍ରେମରେ ପଡିଥିଲେ। ସାଇରା ଜାଣିଥିଲେ, ଦିଲୀପଙ୍କ ନିକଟତର ହେବାକୁ ହେଲେ, ତାଙ୍କୁ ମଧ୍ୟ ଫିଲ୍ମ କରିବାକୁ ପଡିବ । ପରେ ସେ ଫିଲ୍ମ ଲାଇନ୍ରେ ଆସି ଶାମି କପୁରଙ୍କ ସହ ‘ଜଙ୍ଗଲି’ ଚଳଚ୍ଚିତ୍ରରେ ସଫଳତା ପାଇଥିଲେ। ପରେ ଏକ ସମୟ ଆସିଲା ଯେତେବେଳେ ସାଇରାଙ୍କୁ ଦିଲୀପଙ୍କ ସହ ଏକ ଫିଲ୍ମରେ କାମ କରିବାର ସୁଯୋଗ ମିଳିଥିଲା। ମାତ୍ର ଦିଲୀପ ସାଇରାଙ୍କ ନାମ ଶୁଣି ତାଙ୍କ ସହ ଫିଲ୍ମ କରିବାକୁ ମନା କରିଦେଇଥିଲେ। ବାସ୍ତବରେ ଦିଲୀପ ସାଇରାଙ୍କ ଠାରୁ ୨୨ ବର୍ଷ ବଡ ଥିଲେ ଏବଂ ସେ ଅନୁଭବ କରିଥିଲେ ଯେ ସାଇରା ପରଦାରେ ତାଙ୍କଠାରୁ ବହୁତ ସାନ ଦେଖାଯିବେ। ସେମାନଙ୍କ ଯୋଡି ଭଲ ଦେଖାଯିବ ନାହିଁ । ପରେ ସାଇରାଙ୍କୁ ଫିଲ୍ମରୁ ହଟାଇ ତାଙ୍କ ସ୍ଥାନରେ ମମତାଜଙ୍କୁ ନିଆଯାଇଥିଲା। ଯଦିଓ ସେହି ସମୟରେ ଦିଲୀପ ମଧ୍ୟ ଜାଣି ନ ଥିଲେ ଯେ ଦିନେ ସାଇରା ତାଙ୍କ ଜୀବନସାଥୀ ହେବେ।
ସାଇରାଙ୍କ ଜନ୍ମଦିନ ଅବସରରେ ଦିଲୀପ ତାଙ୍କ ଘରେ ପହଞ୍ଚିଥିଲେ। ସେହିଦିନ ଦିଲୀପ ଅନୁଭବ କଲେ ଯେ, ସାଇରା ସମ୍ପୂର୍ଣ୍ଣ ଅଲଗା। ପରେ ଦୁହେଁ ପ୍ରେମରେ ପଡ଼ିଯାଇଥିଲେ। ୧୯୬୬ ଅକ୍ଟୋବର ୧୧ରେ ଉଭୟ ବିବାହ କରିଥିଲେ। ହେଲେ କେବେ ବୟସ ବ୍ୟବଧାନ ସେମାନଙ୍କ ମଧ୍ୟରେ ଆସି ନ ଥିଲା । ସାଇରା ଶେଷ ନିଶ୍ୱାସ ପର୍ଯ୍ୟନ୍ତ ଦିଲୀପଙ୍କ ସହିତ ରହିଥିେଲେ।