ଇସ୍ଲାମାବାଦ,୧୪ ।୨: ବଲିଉଡ୍ ଟ୍ରାଜେଡି କିଙ୍ଗ ଦିଲିପ କୁମାରଙ୍କ ଜଣେ ବନ୍ଧୁ ଶୁକ୍ରବାର ଦାବି କରିଛନ୍ତି କି ପାକିସ୍ତାନରେ ଥିବା ଦିଲିପଙ୍କ ଏକ ଘରର ପାୱାର ଅଫ୍ ଆଟର୍ନି ତାଙ୍କ ନିକଟରେ ରହିଛି । ଦିଲିପ କୁମାର ତାଙ୍କ ପୈତୃକ ସମ୍ପତିକୁ ଉପହାରରେ ଦେବାକୁ ଚାହୁଁଥିଲେ । ଚାମ୍ବର ଅଫ୍ କମର୍ସ ଆଣ୍ଡ ଇଣ୍ଡଷ୍ଟ୍ରିର ପୂର୍ବତନ ଅଧ୍ୟକ୍ଷ ଫୁଆଦ ଇସାକଙ୍କ ନିକଟରେ ପେଶାୱରରେ ଥିବା ସମ୍ପତ୍ତିର ପାୱାର ଅଫ୍ ଆଟର୍ନି ରହିଛି ବୋଲି ସେ କହିଛନ୍ତି । ୯୮ ବର୍ଷିୟ ଦିଲ୍ଲିପ ୨୦୧୨ରେ ତାଙ୍କୁ ଏହା ପ୍ରଦାନ କରିଥିବା ସେ ଦାବି କରିଛନ୍ତି । ପାକିସ୍ତାନର ଖେବର ପଖତୁନୱାରେ ରହିଛି ଦିଲିିପ କୁମାରଙ୍କ ପୈତୃକ ସମ୍ପତି । ଏବେ ସେଠାରେ ରହୁଥିବା ଘର ମାଲିକ ସରକାରଙ୍କ ଦ୍ୱାରା ସ୍ଥିର କରାଯାଇଥିବା ଦାମରେ ଘର ବିକ୍ରି କରିବାକୁ ମନା କରି ଦେଇଛନ୍ତି । କାରଣ ଏହାର ଦାମ୍ ୨୫ କୋଟି ଟଙ୍କା ହେବ ବୋଲି ସେ କହିଛନ୍ତି । ହେଲେ ପ୍ରଶାସନ ଏହାର ମୂଲ୍ୟ କମ୍ ରଖିଛି । ପ୍ରଶାସନ ଏହାର ମୂଲ୍ୟ ୮୦.୫୬ ଲକ୍ଷ ଟଙ୍କା ଦେବାକୁ ରାଜି ହୋଇଥିଲା । ୧୦୧ ବର୍ଗମିଟର ସ୍ଥାନରେ ଠିଆ ହୋଇଛି ଦିଲିପଙ୍କ ଚାରି ମହଲା କୋଠା ।