ଗୁଡ୍‌ ଫ୍ରାଇଡେରେ ପ୍ରାର୍ଥନା କରି ନିର୍ବାଚନ ପ୍ରଚାର ଆରମ୍ଭ କଲେ ଦିଲୀପ ତିର୍କୀ

ସୁନ୍ଦରଗଡ,୨୭ା୩(ଜୟ ନାରାୟଣ ମେଣ୍ଡୁଳି): ଚର୍ଚ୍ଚରେ ପ୍ରାର୍ଥନା କରି ପ୍ରଚାର ଆରମ୍ଭ କରିଛନ୍ତି ବିଜେଡି ଲୋକସଭା ପ୍ରାର୍ଥୀ ଦିଲୀପ ତିର୍କୀ। ପ୍ରାର୍ଥୀ ଘୋଷଣା ହେବା ପରେ ଶୁକ୍ରବାର ଦିଲୀପ ସୁନ୍ଦରଗଡ଼ରେ ପହଞ୍ଚିିଛନ୍ତି। ଆଜି ପବିତ୍ର ଗୁଡଫ୍ରାଇଡେ ହୋଇଥିବାରୁ ସୁନ୍ଦରଗଡ଼ ମିସନ ରୋଡ୍‌ ଚର୍ଚ୍ଚରେ ଦିଲୀପ ପ୍ରଭୂ ଯୀଶୁଙ୍କ ପାଖରେ ପ୍ରାର୍ଥନା କରି ନିର୍ବାଚନୀ ପ୍ରଚାର ଆରମ୍ଭ କରିଛନ୍ତି।

ସବୁବେଳେ ସୁନ୍ଦରଗଡବାସୀଙ୍କ ଶୁଭେଚ୍ଛା ଏବଂ ଆଶୀର୍ବାଦ ତାଙ୍କ ଉପରେ ରହିଆସିଛି । ଆଗକୁ ଏହି ଆଶୀର୍ବାଦ ତାଙ୍କୁ ବିଜୟୀ କରିବ ବୋଲି ଦିଲୀପ ଦୃଢତାର ସହ ପ୍ରକାଶ କରିଛନ୍ତି । ଏପରି କି ଶିକ୍ଷା ଓ କ୍ରୀଡ଼ା କ୍ଷେତ୍ରରେ ସୁନ୍ଦରଗଡ଼କୁ ଆଗେଇ ନେବେ ବୋଲି ଦିଲୀପ କହିଛନ୍ତି।