ଭୁବନେଶ୍ୱର,୯।୪: ନିର୍ବାଚନ ଲଢିବାକୁ ନେଇ କୋର୍ଟଙ୍କ ଅନୁମତି ପରେ ରାଜ୍ୟର ବରିଷ୍ଠ ନେତା ଦିଲ୍ଲୀପ ରାୟ ଭାଜପାରେ ସାମିଲ ହୋଇପାରନ୍ତି । ଏଥିସହ ସେ ଭାଜପାରେ ମିଶିସାରିଲା ପରେ ତାଙ୍କୁ ଦଳ ରାଉରକେଲା ବିଧାନସଭା ଆସନରୁ ଟିକେଟ୍ ଦେଇପାରେ ବୋଲି ଚର୍ଚ୍ଚା ହେଉଛି। ରାଉରକେଲା ବିଧାନସଭା ଆସନ ପାଇଁ ଭାଜପା ଏ ଯାଏ ପ୍ରାର୍ଥୀ ଘୋଷଣା କରିନି ।
୨୦୧୮ରେ ଦିଲ୍ଲୀପ ଭାଜପା ଛାଡିଥିଲେ। ଏହି ସମୟରେ ସେ ଭାଜପାର ରାଉରକେଲା ବିଧାୟକ ଥିଲେ । ୧୯୯୯ରେ କେନ୍ଦ୍ର କୋଇଲା ରାଷ୍ଟ୍ରମନ୍ତ୍ରୀ ଥିଲେ ଦିଲ୍ଲୀପ । ଏହି ସମୟରେ କୋଇଲା ଦୁର୍ନୀତି ଅଭିଯୋଗରେ ସେ ୨୦୨୦ରେ ଦୋଷୀ ସାବ୍ୟସ୍ତ ହୋଇଥିଲେ। ଯାହା ପରେ ତାଙ୍କର ନିର୍ବାଚନ ଲଢିବା ଉପରେ କୋର୍ଟ ରୋକ ଲଗାଇଥିଲେ।
