ମୁମ୍ବାଇ: ବଲିଉଡ୍ର ୮୦ଦଶକର ନାୟିକା ଡିମ୍ପଲ କପାଡିଆଙ୍କ ବହୁ ପ୍ରତିକ୍ଷୀତ ହଲିଉଡ୍ ଫିଲ୍ମ ‘ଟେନେଟ’ ଡିସେମ୍ବର ୪ରେ ଭାରତରେ ରିଲିଜ୍ ହେବ। ଏହି ଫିଲ୍ମ ଭାରତରେ ରିଲିଜ୍ ହେବାକୁ ନେଇ ଅଭିନେତ୍ରୀ ଡିମ୍ପଲ ବେଶ୍ ଉତ୍ସାହିତ ଥିବା ବେଳେ ଏନେଇ ସେ ଘୋଷଣା କରିଛନ୍ତି। ଇନ୍ଷ୍ଟାଗ୍ରାମ୍ରେ ସେ ଏକ ଭିଡିଓ ଶେୟାର କରି ଏହି ସୂଚନା ଦେଇଛନ୍ତି।
ଏଥିସହ ଡିମ୍ପଲ କହିଛନ୍ତି, ଏହି ପ୍ରୋଜେକ୍ଟରେ କାମ କରିବା ତାଙ୍କ ପାଇଁ ଏକ ସମ୍ମାନର କଥା। କ୍ରିଷ୍ଟୋଫର ଲନଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ଏହି ଫିଲ୍ମରେ ଡିମ୍ପଲଙ୍କ ସହ ଜନ୍ ଡେଭିଡ ଓ୍ବାଶିଂଟନ୍, ରବର୍ଟ ପେଟିନସନ, ଏଲିଜାବେଥ ଡେବିକି ଓ ମାଇକେଲ କେନ ଭଳି ବେଶ ଜଣାଶୁଣା କଳାକାରଙ୍କୁ ଦେଖିବାକୁ ମିଳିବ। ବିଜ୍ଞାନ ଓ କଳ୍ପନା ଆଧାରିତ ଏହି ପିଲ୍ମରେ ଆକ୍ସନ, ଟର୍ନ ଏବଂ ଟୁଇଷ୍ଟର ଭରପୂର ମଜାଉଠାଇପାରିବେ ଦର୍ଶକ। ପୂର୍ବରୁ ଏହି ଫିଲ୍ମ ଲଣ୍ଡନରେ ରିଲିଜ୍ ହୋଇଥିବା ବେଳେ ଦୀର୍ଘ ଦିନର ଅପେକ୍ଷା ପରେ ଏହା ଏବେ ଭାରତରେ ରିଲିଜ୍ ହେବାକୁ ଯାଉଛି।