ଲକ୍ଷ୍ନୌ,୫ ।୧୨: ଉତ୍ତର ପ୍ରଦେଶର ମେନପୁରୀ ଲୋକ ସଭା ଉପନିର୍ବାଚନ ପାଇଁ ଭୋଟ ଗ୍ରହଣ ଆରମ୍ଭ ହୋଇଯାଇଛି । ଏହି ଆସନରେ ସମାଜବାଦୀ ପାର୍ଟି ମେଣ୍ଟ ଓ ଶାସକ ଭାରତୀୟ ଜନତା ପାର୍ଟି(ଭାଜପା) ମଧ୍ୟରେ କଡା ମୁକାବିଲା ହେଉଛି । ଏହି ଆସନରୁ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଯାଦବ ନିର୍ବାଚନ ଲଢୁଥିବା ବେଳେ ଭାଜପାର ରଘୁରାଜ ସିଂହ ଶାକ୍ୟ ନିର୍ବାଚନ ମଇଦାନକୁ ଓହ୍ଲାଇଛନ୍ତି । ଏହାରି ଭିତରେ ଡିମ୍ପଲ ଯାଦବ ଭାଜପା ଉପରେ ବଡ ଅଭିଯୋଗ ଆଣିଛନ୍ତି । ସେ କହିଛନ୍ତି ଭାଜପା ନେତା ଭୋଟରଙ୍କୁ ଟଙ୍କା ଓ ମଦ ଦେଉଛନ୍ତି । ଏହା ଉପରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଡିମ୍ପଲ ।
ସେ ଟୁଇଟ କରି ଏ ସମ୍ପର୍କରେ ନିର୍ବାଚନ କମିଶନ ଆକ୍ସନ ନିଅନ୍ତୁ ବୋଲି ଦାବି କରିଛନ୍ତି । ଟୁଇଟରେ ଡିମ୍ପଲ କହିଛନ୍ତି, ହୋଟେଲ ପାମ, ଷ୍ଟେଶନ ରୋଡ, ମୌନପୁରୀ ରାସ୍ତାରେ ଭାଜପା ନେତା ଏକାଠି ହୋଇ ନିରନ୍ତର ମଦ ଓ ଟଙ୍କା ବାଣ୍ଟି ଚାଲିଛନ୍ତି । ଏହାକୁ ଗୁରୁତର ସହ ନିଅନ୍ତୁ ନିର୍ବାଚନ କମିଶନ ।