ଭୋଜପୁରୀ ସୁପରଷ୍ଟାର ଦୀନେଶ ଲାଲ ଯାଦବ ଓରଫ୍ ନିରହୁଆ ମଙ୍ଗଳବାର ନିଜର ୪୨ତମ ଜନ୍ମଦିନ ପାଳନ କରୁଛନ୍ତି। ଫେବୃଆରୀ ୨, ୧୯୭୯ରେ ଉତ୍ତରପ୍ରଦେଶ ଗାଜିପୁରର ଟଣ୍ଡଓ୍ବା ଗାଁରେ ଜନ୍ମଗ୍ରହଣ କରିଥିଲେ। ଏବେ ସେ ଜଣେ ଅଭିନେତା ସାଙ୍ଗକୁ ରାଜନେତା ମଧ୍ୟ ଅଟନ୍ତି। ନିଜର ଫିଲ୍ମ ଏବଂ ଗୀତ ସାଙ୍ଗକୁ ରିୟଲ ଲାଇଫ୍କୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି ଏହି ଅଭିନେତା। ଏକଦା ସେ ଫୋନ୍କରି ଖବରଦାତାଙ୍କୁ ମଧ୍ୟ ଗାଳିଗୁଲଜ କରିଥିଲେ। ଏହାର ଅଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା।
ଏହି ବିବାଦ ବିଷୟରେ ନିରୁହା କହିଥିଲେ ଯେ, ଭୋଜପୁରୀ ସିନେମାର ପିଆର୍ଓ ଏବଂ ଖବରଦାତାଙ୍କ ଫୋନ୍ ଏକଦା ତାଙ୍କ ପାଖକୁ ଆସିଥିଲା। ଏହି ସମୟରେ ନିରୁହା ତାଙ୍କୁ ଖରାପ ଭାଷାରେ ଗାଳିଗୁଲଜ କରିଥିବା ସେ ନିଜେ ସ୍ବୀକାର କରିଥିଲେ। ଏହାର କାରଣ ଶଶିକାନ୍ତ ବୋଲି ସେ କହିଥିଲେ। କାରଣ ବିଗତ ୨ ବର୍ଷ ହେବ ଶଶିକାନ୍ତ ସୋସିଆଲ ମିଡିଆରେ ଭେଜପୁରୀ ସିନେମା ବିରୋଧରେ ନକାରାତ୍ମକ ଅଭିଯାନ ଚଳାଇଥିଲେ। ଏ ନେଇ ସେ ବହୁତ ରାଗିଯାଇଥିଲେ। ତେଣୁ ଖବରଦାତାମାନଙ୍କୁ ଗାଳିଗୁଲଜ କରିଦେଇଥିବା କହିଥିଲେ।
