ତାସକେଣ୍ଟ,୨୬ା୫: ଷ୍ଟାର ଜିମ୍ନାଷ୍ଟ ଦୀପା କର୍ମାକର ପ୍ରଥମ ଭାରତୀୟ ଭାବେ ଏସିଆନ ସିନିୟର ଚାମ୍ପିୟନଶିପ୍ର ମହିଳା ଭଲ୍ଟ ଇଭେଣ୍ଟରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ୩୦ ବର୍ଷୀୟା ଦୀପା ଉଜ୍ଥବେକିସ୍ତାନରେ ଅନୁଷ୍ଠିତ ପ୍ରତିଯୋଗିତାର ଅନ୍ତିମ ଦିବସରେ ଭଲ୍ଟ ଫାଇନାଲରେ ୧୩.୫୬୬ ପଏଣ୍ଟ ସ୍କୋର କରିଥିଲେ। ଉତ୍ତରକୋରିଆର କିମ୍ ସନ ହ୍ୟାଙ୍ଗ (୧୩.୪୬୬) ଓ ଜୋ କ୍ୟୋଙ୍ଗ ବିୟଲ (୧୨.୯୬୬) ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ଜିତିଥିଲେ।
୨୦୧୬ ରିଓ ଅଲିମ୍ପିକ୍ସ ଭଲ୍ଟ ଫାଇନାଲରେ ଚତୁର୍ଥ ହୋଇଥିଲେ। ୨୦୧୫ ସଂସ୍କରଣରେ କିନ୍ତୁ ସେ ସମାନ ଇଭେଣ୍ଟରେ ବ୍ରୋଞ୍ଜ ପଦକ ପାଇଥିଲେ। ସୂଚନାଯୋଗ୍ୟ, ୨୦୧୫ ଏସିଆନ ଚାମ୍ପିୟନଶିପ୍ର ବ୍ୟକ୍ତିଗତ ଫ୍ଲୋର ଏକ୍ସରସାଇଜରେ ଆଶିଷ କୁମାର ଏକ ବ୍ରୋଞ୍ଜ ପାଇଥିଲେ। ପ୍ରଣିତ ନାୟକ ମଧ୍ୟ ୨୦୧୯ ଓ ୨୦୨୨ ସଂସ୍କରଣ ଭଲ୍ଟ ଇଭେଣ୍ଟରେ ଗୋଟିଏ ଲେଖାଏଁ ବ୍ରୋଞ୍ଜ ଜତିଥିଲେ। ଡେପିଙ୍ଗ ଅପରାଧ ପାଇଁ ୨୧ ମାସ ସସ୍ପେଣ୍ଡ ହେବା ପରେ ଗତବର୍ଷ ଆକ୍ସନକୁ ଫେରିଥିବା ଦୀପା କିନ୍ତୁ ଆସନ୍ତା ପ୍ୟାରିସ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିପାରି ନାହାନ୍ତି।