ନୂଆଦିଲ୍ଲୀ,୧୭।୬: ଚଳିତ ଆର୍ଥତ୍କ ବର୍ଷ ଅଦ୍ୟାବଧି ପ୍ରତ୍ୟକ୍ଷ ଟିକସ ସଂଗ୍ରହ ବେଶ୍ ଉନ୍ନତ ରହିଛି। ଆୟକର ବିଭାଗ ସୂଚନା ମୁତାବକ, ପ୍ରତ୍ୟକ୍ଷ ଟିକସ ସଂଗ୍ରହ ୨ ଗୁଣ ବୃଦ୍ଧି ଘଟି ୧.୮୫ ଲକ୍ଷ କୋଟି ଟଙ୍କା ଛୁଇଁଛି। ଏହା ଗତ ବର୍ଷ ସମାନ ଅବଧିରେ ୯୨,୭୬୨ କୋଟି ଟଙ୍କା ରହିଥିଲା। ଏହାକୁ ଦେଖିଲେ ଟିକସ ସଂଗ୍ରହରେ ୧୦୦% ଅଭିବୃଦ୍ଧି ହୋଇଛି। ରିପୋର୍ଟ ମୁତାବକ ଏପ୍ରିଲ ପହିଲାରୁ ଜୁନ୍ ୧୫ ମଧ୍ୟରେ ପ୍ରତ୍ୟକ୍ଷ ଟିକସ ଆଦାୟ କ୍ଷେତ୍ରରେ ଏଭଳି ବୃଦ୍ଧି ପରିଲକ୍ଷିତ ହୋଇଛି। ଏହା ମଧ୍ୟରେ କର୍ପୋରେଟ ଆୟକର ସଂଗ୍ରହ ୭୪,୩୫୬ କୋଟି ଏବଂ ବ୍ୟକ୍ତିଗତ ଆୟକର ବାବଦ ୧.୧୧ ଲକ୍ଷ କୋଟି ଟଙ୍କା ରହିଛି।