ବମ୍ବେ: ବଲିଉଡ ଅଭିନେତା ନାନା ପାଟେକର ନିଜର ଦମ୍ଦାର ଅଭିନୟ ଲାଗି ରହିଥାନ୍ତି ଚର୍ଚ୍ଚାରେ। ହେଲେ ଏବେ ଏକ ଭିଡିଓ ଯୋଗୁ ତାଙ୍କ ବ୍ୟକ୍ତିତ୍ୱ ଉପରେ ପ୍ରଶ୍ନ ଉଠାଯାଉଛି। ଦର୍ଶକଙ୍କ ଲାଗି ଅଭିନେତାଟିଏ ସଫଳ ହୋଇଥାଏ, ହେଲେ ନାନା ଫଟୋ ଉଠାଇବାକୁ କହୁଥିବା ଜଣେ ପ୍ରଶଂସକଙ୍କୁ ଚାପୁଡ଼ା ମାରୁଥିବା ଭିଡିଓ ଭାଇରାଲ ହୋଇଥିଲା। କଥାଟି ଅନେକଙ୍କୁ ଅଡୁଆ ଲାଗିଥିଲା। ସେଥିଲାଗି ନାନାଙ୍କୁ ଅନେକେ ଟ୍ରୋଲ ମଧ୍ୟ କରୁଥିଲେ। ହେଲେ ଏବେ ସତ ପଦାକୁ ଆସିଛି।
ନିର୍ଦ୍ଦେଶକ ଅନିଲ ଶର୍ମା ନାନାଙ୍କ ଭାଇରାଲ ଭିଡିଓ ପଛର ବାସ୍ତବତା ସମସ୍ତଙ୍କୁ କହିଛନ୍ତି। ଖବର ବିଷୟରେ ଜଣାପଡ଼ିବା ପରେ ସେ ସତ ସମସ୍ତଙ୍କୁ କହିବା ଉଚିତ ମଣିଥିଲେ। ତେବେ ନାନା ବନାରସର ରାସ୍ତାରେ ନିଜର ଆଗାମୀ ଫିଲ୍ମର ଶୁଟିଂ କରୁଥିଲେ। ଏଥିରେ ଜଣେ ଯୁବକଙ୍କୁ ଚାପୁଡ଼ା ମାରିବାର ଥିଲା। ହେଲେ ଭିଡରେ ଥିବା କେହି ତାର ଭିଡିଓ ଭାଇରାଲ କରିଦେଇଛନ୍ତି। ଫଳରେ ନାନାଙ୍କୁ ନେଇ ଲୋକେ ଏଣୁତେଣୁ କହିବା ଆରମ୍ଭ କରିଛନ୍ତି। ନାନା କାହାକୁ ଚାପୁଡ଼ା ମାରି ନାହାନ୍ତି ବରଂ ତାହା ଏକ ଫିଲ୍ମର ଦୃଶ୍ୟ ବୋଲି ଅନିଲ ସ୍ପଷ୍ଟ କରିଛନ୍ତି।
କହିରଖୁଛୁ, ଭାଇରାଲ ଭିଡିଓରେ ଜଣେ ପ୍ରଶଂସକ ସହମତି ବିନା ତାଙ୍କ ସହ ସେଲଫି ନେବାକୁ ଚାହୁଁଛନ୍ତି। ଏହାକୁ ପସନ୍ଦ ନ କରି ଅଭିନେତା ଯୁବକଜଣଙ୍କୁ ଚାପୁଡ଼ାଟିଏ ମାରୁଛନ୍ତି। ଏହା ପରେ କ୍ରୁ ମେମ୍ବରରୁ ଜଣେ ଆସି ଉକ୍ତ ଯୁବକଙ୍କ ବେକକୁ ଧରି ନେଇଯାଉଥିବା ଦେଖାଯାଉଛି। ଏହି ଭିଡିଓରେ ବ୍ୟବହାରକାରୀ କଟୁ ପ୍ରତିକ୍ରିୟା ଦେଉଛନ୍ତି।