ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ପରେ ହିନ୍ଦୀ ସିନେମାର ଭେଟେରାନ ନିର୍ମାତା, ନିର୍ଦ୍ଦେଶକ କରନ୍ ଜୋହରଙ୍କ ବିରୋଧରେ ସୋସିଆଲ ମିଡିଆରେ ଅସନ୍ତୋଷ ବଢ଼ିବାରେ ଲାଗିଛି। ଏହା କରନ୍ଙ୍କ ଆଗାମୀ ଚଳଚ୍ଚିତ୍ର ପାଇଁ ସମସ୍ୟା ସୃଷ୍ଟି କରିବା ଆରମ୍ଭ କରିଛି। ରିଲାଏନ୍ସ ଏଣ୍ଟରଟେନମେଣ୍ଟ ସହିତ ନିର୍ମିତ ତାଙ୍କ ଚଳଚ୍ଚିତ୍ର ସୂର୍ଯ୍ୟବଂଶୀରୁ ତାଙ୍କ ନାମ ହଟାଯିବା ଗୁଜବ ଭୁଲ ପ୍ରମାଣିତ ହୋଇଛି। ଶକୁନ ବତ୍ରାଙ୍କ ନିର୍ଦ୍ଦେଶନାରେ ନିର୍ମିତ ହେବାକୁ ଥିବା ଦୀପିକା ପାଦୁକୋନଙ୍କ ଅଭିନୀତ ଏହି ଫିଲ୍ମରୁ ନିର୍ମାତା ଭାବରେ ତାଙ୍କ ନାମ ହଟାଇବାକୁ ଏବେ ଆଲୋଚନା ଆରମ୍ଭ ହୋଇଛି।
ଦୀପିକା ପାଦୁକୋନ, ସିଦ୍ଧନ୍ତ ଚାଟୁର୍ବେଦୀ ଏବଂ ଅନନ୍ୟା ପାଣ୍ଡେଙ୍କ ଅଭିନିତ ଶକୁନ ବତ୍ରାଙ୍କ ନିର୍ଦ୍ଦେଶିତ ଏହି ଫିଲ୍ମର ଶୁଟିଂ କରୋନା ଯୋଗୁ ବନ୍ଦ ହୋଇଥିବା ବେଳେ ଅନ୍ତର୍ଜାତୀୟ ବିମାନ ଉଡ଼ାଣ କାରଣରୁ ସ୍ଥଗିତ ରହିଛି। ଏହି ଚଳଚ୍ଚିତ୍ରର ଶୁଟିଂ ଚଳିତ ଗ୍ରୀଷ୍ମ ଋତୁରୁ ଶ୍ରୀଲଙ୍କାରେ ଆରମ୍ଭ ହେବାକୁ ଥିଲା। ବର୍ତ୍ତମାନ ଅନ୍ଲକ-୨ ଆରମ୍ଭ ହୋଇଛି। ଆଶା କରାଯାଉଛି ଯେ, ଖୁବ ଶୀଘ୍ର ଅନ୍ତର୍ଜାତୀୟ ବିମାନ ଉଡାଣ ମଞ୍ଜୁରି ମିଳିଯିବ। ଦୀପିକା ତାଙ୍କ ଫିଲ୍ମ ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ନିଜକୁ ଫିଟ୍ ରଖିବା ପାଇଁ ଓ ଫିଲ୍ମ ପାଇଁ ସେ ଯୋଗ ଶିଖିବା ଆରମ୍ଭ କରିଛନ୍ତି।
ଶକୁନ ବତ୍ରାଙ୍କ ନିର୍ଦ୍ଦେଶନାରେ ଶୁଟିଂ ଆରମ୍ଭ ହେବା ପୂର୍ବରୁ ଦୀପିକା ପାଦୁକୋନଙ୍କ ଯୋଗ ଶିଖିବା ଏହି ଚଳଚ୍ଚିତ୍ର ପାଇଁ ପ୍ରସ୍ତୁତିର ଏକ ଅଂଶ। ଏହା ମଧ୍ୟ କୁହାଯାଇଥିଲା ଯେ ଏହି ପ୍ରଶିକ୍ଷଣରେ ତାଙ୍କ ଭୂମିକା ସହିତ କିଛି ସମ୍ପର୍କ ରହିପାରେ। ଏହା ସହ ନିର୍ମାତାମାନେ ଚଳଚ୍ଚିତ୍ର ସହ ଜଡିତ ସମସ୍ତ ତଥ୍ୟର ରହସ୍ୟ ବଜାୟ ରଖିଛନ୍ତି।
ଫିଲ୍ମ ଇଣ୍ଡଷ୍ଟ୍ରିର ଲୋକମାନେ କିଛି ଦିନ ପୂର୍ବରୁ କରନ୍ ଜୋହରଙ୍କ ଫିଲ୍ମ ସୂର୍ଯ୍ୟବଂଶୀ ପୋଷ୍ଟରରୁ ତାଙ୍କ ନାମ ହଟାଇବା ବିଷୟରେ କହିବା ଆରମ୍ଭ କଲେ। କୁହାଯାଉଥିଲା ଯେ କରନଙ୍କ ନାମ ଫିଲ୍ମର ପୋଷ୍ଟରରୁ ଏଥିପାଇଁ ହଟାଯିବ ଯେପରି ସୁଶାନ୍ତଙ୍କ ପ୍ରଶଂସକମାନେ ଫିଲ୍ମକୁ ତିରସ୍କାର କରିବେ ନାହିଁ । ରିଲାଏନ୍ସ ଏଣ୍ଟରଟେନମେଣ୍ଟ ଏହାକୁ ନେଇ ଏକ ଟୁଇଟ ମାଧ୍ୟମରେ ବ୍ୟାଖ୍ୟା କରିଛ ଯେ କମ୍ପାନୀ ପକ୍ଷରୁ ଏହି ଟୁଇଟ କରାଯାଇନାହିଁ।