ମୁମ୍ବାଇ: ବଲିଉଡ୍ ଡାର୍ଟି ଗର୍ଲ ବିଦ୍ୟା ବାଲାନଙ୍କ ବହୁ ପ୍ରତିକ୍ଷିତ ଫିଲ୍ମର ଅପକ୍ଷୋରେ ରହିଥିବା ଦର୍ଶକଙ୍କ ପାଇଁ ଏକ ଖୁସିଖବର। ବିଦ୍ୟା ନିଜ ଅଭିନୀତ ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି। ଜୁଲାଇ ୩୧ରେ ଆମାଜନ ପ୍ରାଇମ୍ ଭିଡିଓରେ ଫିଲ୍ମ ଶକୁନ୍ତଳା ଦେବୀ ରିଲିଜ୍ ହେବ। ସୂଚନାଯୋଗ୍ୟ, ହ୍ୟୁମନ କମ୍ପ୍ୟୁଟର କୁହାଯାଉଥିବା ଶକୁନ୍ତଳା ଦେବୀଙ୍କ ଅନ୍ଦାଜରେ ବେଶ୍ ମଜାଳିଆ ଢ଼ଙ୍ଗରେ ବିଦ୍ୟା ରିଲିଜ୍ ତାରିଖ ଘୋଷଣା କରିଥିବା ଦେଖିବାକୁ ମିଳିଛି। ବିଦ୍ୟା ଗଣିତର ଏକ କଠିନ ପ୍ରଶ୍ନ ପଚାରି ଏହାର ଉତ୍ତର ମଧ୍ୟ ସେ ନିଜେ ଦେଇଚନ୍ତି। ବିଦ୍ୟାଙ୍କ ଏହି ଅନ୍ଦାଜକୁ ପ୍ରଶଂସକ ବେଶ୍ ପସନ୍ଦ କରିଛନ୍ତି। ଜୁଲାଇ ୩୧ରେ ଶକୁନ୍ତଳା ଦେବୀଙ୍କ ଏକ୍ସଟ୍ରା ଅର୍ଡିନାରୀ ମାଇଣ୍ଡର କାହାଣୀ ବିଷୟରେ ଦର୍ଶକ ଦେଖିପାରିବେ। ଏହାର ଓ୍ବାଲ୍ଡ ପ୍ରିମିୟର ପାଇଁ ପ୍ରଶଂସକ ବେଶ୍ ଉତ୍ସାହିତ ଅଛନ୍ତି। ସୂଚନାଯୋଗ୍ୟ, ଏହି ଫିଲ୍ମରେ ବିଦ୍ୟା ଜିନିୟସ୍ ମ୍ୟାଥମେଟିସିଆନ ଶକୁନ୍ତଳା ଦେବୀଙ୍କ ଚରିତ୍ରରେ ନଜର ଆସିବେ। ଏଥିସହ ବିଦ୍ୟାଙ୍କ ଝିଅ ଚରିତ୍ରରେ ସାନିୟା ମଲହୋତ୍ରାଙ୍କୁ ଦେଖିବାକୁ ମିଳିବ। ପୂର୍ବରୁ ଏହି ଫିଲ୍ମ ହଲ୍ରେ ରିଲିଜ୍ ହେବାକୁ ଥିଲା। କିନ୍ତୁ ଲକ୍ଡାଉନ ଯୋଗୁ ହଲ୍ଗୁଡିକ ବନ୍ଦ ରହିଥିବାରୁ ଏହାକୁ ଓଟିଟି ପ୍ଲାଟଫର୍ମରେ ରିଲିଜ୍ କରାଯିବାକୁ ନିଷ୍ପତ୍ତି ନିଆଯାଇଛି।