ନୂଆଦିଲ୍ଲୀ, ୬।୬ : ଦେଶରେ ୨୦୨୧ରେ ପ୍ରାକୃତିକ ବିପର୍ଯ୍ୟୟ ଯୋଗୁ ୧୭,୦୦ ଲୋକଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ସର୍ବାଧିକ ୩୫୦ ଜଣ ମହାରାଷ୍ଟ୍ରର, ୨୨୩ ଜଣ ଓଡିଶାରେ ଏବଂ ୧୯୧ ଜଣ ମଧ୍ୟପ୍ରଦେଶର ରହିଛନ୍ତି। ଅଧିକାଂଶ ମୃତ୍ୟୁ ବଜ୍ରପାତ, ଘୂର୍ଣ୍ଣିବଳୟ, ପ୍ରବଳ ଉତ୍ତାପ, ବନ୍ୟା ଏବଂ ଭୂସ୍ଖଳନ ଯୋଗୁଁ ଘଟିଛି।
ବିଶ୍ୱ ପରିବେଶ ଦିବସରେ କେନ୍ଦ୍ର ବିଜ୍ଞାନ ଏବଂ ପରିବେଶ (ସିଏସ୍ଇ) ଦ୍ୱାରା ପ୍ରକାଶିତ ଭାରତର ପରିବେଶୀୟ ସ୍ଥିତ-୨୦୨୨ ରିପୋର୍ଟରେ ଏହି ପରିସଂଖ୍ୟାନ ପ୍ରକାଶ ପାଇଛି। ଏଥି ସହିତ, ଏହି ରିପୋର୍ଟ ଅନୁଯାୟୀ, ପରିବେଶର କ୍ଷତି ପାଇଁ ଚଳିତ ବର୍ଷ ଦେଶରେ ପ୍ରାକୃତିକ ବିପର୍ଯ୍ୟୟ ବୃଦ୍ଧି ପାଉଛି।
୨୦୧୨ରୁ ୨୦୨୧ ଏକ ଦଶନ୍ଧି ମଧ୍ୟରେ ଭାରତରେ ତାପମାତ୍ରାରେ ସର୍ବାଧିକ ବୃଦ୍ଧି ଘଟିଛି। ୧୫ ଟି ଉତ୍ତପ୍ତ ବର୍ଷ ମଧ୍ୟରୁ ୧୧ ଟି ଗତ ଦେଢ଼ ଦଶନ୍ଧିରେ ରେକର୍ଡ କରାଯାଇଥିଲା। ମାର୍ଚ୍ଚ ୨୦୨୨ରେ ମଧ୍ୟ ସବୁଠାରୁ ଗରମ ମାସ ବୋଲି ପ୍ରମାଣିତ ହୋଇଥିଲା। ଏହି କାରଣରୁ ରାଜସ୍ଥାନ, ମଧ୍ୟପ୍ରଦେଶ, ହିମାଚଳ ପ୍ରଦେଶ, ଗୁଜୁରାଟ ଏବଂ ହରିୟାଣାରେ ତାପମାତ୍ରା ୫୪ ଡିଗ୍ରୀ ସେଲସିୟସ ଛୁଇଁଥିଲା।
ରିପୋର୍ଟ ଅନୁଯାୟୀ, ଭାରତ ସରକାରଙ୍କ ପ୍ରାକୃତିକ ବିପର୍ଯ୍ୟୟ ସହ ଜଡିତ ଖର୍ଚ୍ଚ ୩୦ ପ୍ରତିଶତ ହ୍ରାସ ପାଇଛି। ୨୦୨୧ ତୁଳନାରେ, ୨୦୨୨ରେ ୬ ଟି ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରେ ଏହି ହ୍ରାସ ୫୦ ପ୍ରତିଶତ ଥିବାବେେଳେ ୫ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ରେ ୭୦ ପ୍ରତିଶତ ପର୍ଯ୍ୟନ୍ତ ରହିଛି।
ଭାରତ, ଚାଇନ ଏବଂ ନେପାଳ ମଧ୍ୟରେ ୨୫ ଟି ଗା୍ଲସିୟର ହ୍ରଦ ଏବଂ ଜଳଭଣ୍ଡାର ଅଛି,। ଯାହାର ଅଧିକାଂଶ ଅଂଶ ଉତ୍ତାପ ସହିତ ବୃଦ୍ଧି ପାଉଛି । କେବଳ ନେପାଳରେ, ୨୦୦୯ ରୁ ସେମାନଙ୍କର ଜଳ କ୍ଷେତ୍ର ୪୦ ପ୍ରତିଶତ ବୃଦ୍ଧି ପାଇଛି। ଏହି କାରଣରୁ ଭାରତର ବିହାର, ହିମାଚଳ ପ୍ରଦେଶ, ଆସାମ, ଜମ୍ମୁ-କଶ୍ମୀର, ଲଦାଖ, ଅରୁଣାଚଳ ପ୍ରଦେଶ ଏବଂ ସିକିମ ଆଦି ସାତୋଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ରେ ଅଚାନକ ବନ୍ୟା ହେବାର ଆଶଙ୍କା ସୃଷ୍ଟି ହୋଇଛି।
୧୯୯୦ରୁ ୨୦୧୮ ମଧ୍ୟରେ ଭାରତର ଉପକୂଳର ପ୍ରାୟ ୩୩ ପ୍ରତିଶତ କ୍ଷୟକ୍ଷତି ହୋଇଛି। ପଶ୍ଚିମବଙ୍ଗରେ ସର୍ବାଧିକ ୬୦ ପ୍ରତିଶତ ଉପକୂଳରେ ସର୍ବାଧିକ କ୍ଷୟକ୍ଷତି ହୋଇଛି। ଏହାର କାରଣ ଜଙ୍ଗଲ କାଟିବା, ବନ୍ଦର ନିର୍ମାଣ ଏବଂ ପରିବହନ କାର୍ଯ୍ୟକଳାପ ବୃଦ୍ଧି, ସମୁଦ୍ର କୂଳରେ ବନ୍ଧ ନିର୍ମାଣ, ସମୁଦ୍ର ପତ୍ତନ ବୃଦ୍ଧି, ଉପକୂଳରେ ଖଣି ଖନନ ବୋଲି ରିପୋର୍ଟରେ ଦର୍ଶାଯାଇଛି।
୨୦୩୦ ସୁଦ୍ଧା ଭାରତର ୬୫ ପ୍ରତିଶତ ଜଙ୍ଗଲରେ ଜଳବାୟୁ ପରିବର୍ତ୍ତନର ପ୍ରଭାବ ଅନୁଭୁତ ହେବାର ଆଶଙ୍କା ରହିଛି। ଏଠାରେ ସବୁଜତା, ନିଆଁ, ଜଳ ଉତ୍ସ ଶୁଖିବା ମୁଖ୍ୟ ଅସୁବିଧା ହେବ।
୨୦୫୦ସୁଦ୍ଧା ଦେଶର ପ୍ରାୟ ସମସ୍ତ ଜଙ୍ଗଲ ଜଳବାୟୁ ହଟସ୍ପଟ’ରେ ପରିଣତ ହେବ, ଅର୍ଥାତ୍ ଜଳବାୟୁ ପରିବର୍ତ୍ତନ ଯୋଗୁ ଏଠାରେ ବ୍ୟାପକ କ୍ଷୟକ୍ଷତି ହେବାର ଆଶଙ୍କା ଥିବା ରିପୋର୍ଟରେ ପ୍ରକାଶିତ ହୋଇଛି।