ନ୍ୟୁଜର୍ସି ଅକ୍ଷରଧାମ ମନ୍ଦିରରେ ହୋଇନି ଭେଦଭାବ: ଅଭିଯୋଗକୁ ଖଣ୍ଡନ କଲେ ଷ୍ଟୋନକଟର୍ସ ଆସୋସିଏଶନ…

ନ୍ୟୁଜର୍ସି,୧୭।୭ : ନ୍ୟୁ ଜର୍ସିର ରୋବିନ୍ସଭିଲ୍ଲାର ଅକ୍ଷରଧାମ ମନ୍ଦିରରେ କାର୍ଯ୍ୟ କରୁଥିବା କାରିଗରଙ୍କ ଦ୍ୱାରା ଦିଆଯାଇଥିବା ଅଭିଯୋଗକୁ ଷ୍ଟୋନକଟର୍ସ ଆସୋସିଏଶନ (ପିଜିଏସ) ଖଣ୍ଡନ କରିଛି। ପିଜିଏସ ଅନୁଯାୟୀ, ଏହି ଅଭିଯୋଗଗୁଡିକ ମିଥ୍ୟା ଏବଂ ଚାପ ଯୋଗୁ କରାଯାଇଛି। ପିଜିଏସ ହେଉଛି ରାଜସ୍ଥାନର ସିରୋହିରେ ଅବସ୍ଥିତ ଏକ ସଂଗଠନ ଏବଂ ଭାରତୀୟ ମଜଦୁର ସଂଘ ସହିତ ଏହା ଜଡିତ ।

ସଂଗଠନ କହିଛି ଯେ ନ୍ୟୁଜର୍ସି କୋର୍ଟରେ ବିଏପିଏସ ସମ୍ପ୍ରଦାୟ ଦ୍ୱାରା ମନ୍ଦିର ବିରୋଧରେ ଦାଖଲ ହୋଇଥିବା ସିଭିଲ ଅଭିଯୋଗରୁ ଅନେକ କାରିଗର ବର୍ତ୍ତମାନ ପ୍ରତ୍ୟାହାର କରିବାକୁ ପସନ୍ଦ କରିଛନ୍ତି। ମେ ୨୦୨୧ ରେ ମନ୍ଦିର କାରିଗରଙ୍କ ଅଧିକାର ଉଲ୍ଲଂଘନ କରିଥିବା ଅଭିଯୋଗରେ ଏକ ସିଭିଲ ଅଭିଯୋଗ ଦାଖଲ କରାଯାଇଥିଲା।

ପରବର୍ତ୍ତୀ ସମୟରେ, ଫେଡେରାଲ ବ୍ୟୁରୋ ଅଫ ଇନଭେଷ୍ଟିଗେଣନ (ଏଫବିଆଇ) ଏବଂ ଅନ୍ୟାନ୍ୟ ଏଜେନ୍ସିର ଏକ ଟିମ ମନ୍ଦିର ପରିସରରେ କାର୍ଯ୍ୟ କରୁଥିବା ୧୩୪ କାରିଗରଙ୍କ ମଧ୍ୟରୁ ୧୧୦ ଜଣଙ୍କୁ ୧୧ ମଇ ୨୦୨୧ ରେ ନିର୍ମାଣ ସ୍ଥାନରୁ ହଟାଇ ଦେଇଥିଲେ। ଏହି ଅଭିଯୋଗରେ ଜାତି ଭିତ୍ତିକ ଭେଦଭାବ, ଧାର୍ଯ୍ୟ ପରିମାଣଠାରୁ କମ ମଜୁରୀ ଏବଂ ଅନ୍ୟାୟ କାର୍ଯ୍ୟ ପରିସ୍ଥିତି ଅନ୍ତର୍ଭୁକ୍ତ ଥିଲା।