ମୁମ୍ବାଇ: ବଲିଉଡ୍ ଆକ୍ଟ୍ରେସ୍ ଦିଶା ପାଟନି ନିଜ ଫିଟନେସ୍ ପାଇଁ ବେଶ୍ ଜଣାଶୁଣା । ସବୁବେଳେ ସେ ତାଙ୍କ ଫିଟନେସ୍ ଉପରେ ଅଧିକ ଧ୍ୟାନ ଦିଅନ୍ତି ବୋଲି କୁହାଯାଏ । ଆଉ ଅନେକ ସମୟରେ ସେ ସୋସିଆଲ ମିଡିଆରେ ଯେଉଁ ଫିଟନେସ୍ ଫଟୋ ଶେୟାର କରନ୍ତି ତାହା ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଥାଏ । ଦିଶା ଯେମିତି ଫିଟ୍ ସେହିପରି ସେ ବଲଉଡ୍ର ଜଣେ ଏମିତି ନାୟକଙ୍କ ଫିଟନେସ୍କୁ ପସନ୍ଦ କରନ୍ତି ତାହା ଯେ କେହି ଜାଣଲେ ଆଶ୍ଚର୍ଯ୍ୟ ହେବା ସ୍ୱାଭାବିକ । ତେବେ ଦିଶାଙ୍କ ବୟ ଫ୍ରେଣ୍ଡ ଟାଇଗର ଶ୍ରଫ ବି ଫିଟନେସ୍ରେ କିଛି କମ୍ ନୁହେଁ । ହେଲେ ଦିଶାଙ୍କୁ ତାଙ୍କ ଫିଟନେସ୍ ପସନ୍ଦ ନୁହେଁ । ଏମିତିକି ଏଭଳି ଏକ ପ୍ରଶ୍ନର ଉତ୍ତର ଶୁଣିବାକୁ ସମସ୍ତେ ଚାହିଁ ବସିଥିବା ବେଳେ ଫିଟନେସ୍ ମାମଲାରେ ସେ ହୁଏତ ଟାଇଗର କିମ୍ବା ବଲିଉଡ୍ ଭାଇଜାନ୍ ସଲମାନଙ୍କ ଫିଟନେସକୁ ବହୁତ ପସନ୍ଦ କରୁଥିବେ । ହେଲେ ନାଁ ଦିଶାଙ୍କ ପସନ୍ଦ ବିଗତ ଦିନର ନାୟକ ତଥା ବଲିଉଡ୍ର ଏଭରଗ୍ରୀନ୍ ନାୟକ ଅନିଲ କପୁର । ଯିଏ ନିକଟରେ ବା ୨୪ ଡିସେମ୍ବରରେ ତାଙ୍କର ୬୪ ତମ ଜନ୍ମଦିନ ପାଳନ କରିଛନ୍ତି । ଅନିଲଙ୍କ ଫିଟନେସରେ ଫିଦା ଦିଶା । ଅନିଲଙ୍କ ସହ ଦିଶା ଫିଲ୍ମ ‘ମଲଙ୍ଗ’ କାମ କରିଥିବା ବେଳେ ତାଙ୍କ ଫୁର୍ତ୍ତି ଦେଖି ଦିଶା ଖୁବ୍ ଇମ୍ପ୍ରେସ୍ ହୋଇଥିଲେ । ଅନିଲଙ୍କ ଜନ୍ମଦିନରେ ଦିଶା ଏକ ଫଟୋ ଶେୟାର କରି ଲେଖିଥିଲେ, ହାପି ବାର୍ଥ ଡେ ମେରେ ସବସେ ଫିଟନେସ୍ କୋ-ଷ୍ଟାର । ଅବଶ୍ୟ ଟାଇଗର ବି ଅନିଲଙ୍କ ଫିଟନେସକୁ ବହୁବାର ପ୍ରଶଂସା କରିଛନ୍ତି । ଦେଖିବାକୁ ଗଲେ ୬୪ ବର୍ଷ ବୟସରେ ଅନିଲ ଯେତିକି ଫିଟ୍ ଅଛନ୍ତି ତାହା ସମସ୍ତଙ୍କୁ ଇମ୍ପ୍ରେସ୍ କରିବ ।